លោកអភិបាលស្រុកវាលវែងបាននាំយកអំណោយរបស់ឯកឧត្តមអភិបាលខេត្តពោធិ៍សាត់ ចែកជូនកងកម្លាំងប្រចាំការបិទផ្លូវជាតិលេខ៥៥
ពោធិ៍សាត់៖ នៅព្រឹកថ្ងៃទី០៧ ខែមិនា ឆ្នាំ២០២១ លោក ហេង សុភាណា អភិបាលស្រុកវាលវែង និង លោកវរសេនីយ៍ឯក ធាង ឡេង អធិការនគរបាលស្រុកវាលវែង បានដឹកនាំមន្ត្រីសាលាស្រុក និងកម្លាំងនៃអធិការដ្ឋាននគរបាលស្រុកវាលវែង បាននាំយកអំណោយរបស់ឯកឧត្តមបណ្ឌិត ម៉ៅ ធនិន អភិបាលនៃគណ:អភិបាលខេត្តពោធិ៍សាត់ មានដូចជា៖ អង្ករ ០១ ការ៉ុង(៥០គីឡូក្រាម) មី ០៣ កេះ ទឹកស៊ីអីវ ០១ យួ ទឹកត្រី ០១ យួ ត្រីខ ០២ យួរ ទឹកសុទ្ធ ០៤ កេះ ម៉ាស់ ០១ ប្រអប់ សាប៊ូ ០១ ដប និងថវិការចំនួន ៦៨០.០០០ រៀល(ហុកសិបប្រាំបីម៉ឺនរៀលគត់) ដើម្បីជួយឧត្ថម្ភដល់កងកម្លាំងប្រចាំការ បិទផ្លូវជាតិលេខ៥៥ជាបណ្តោះអាសន្ន នៅព្រំប្រទល់ស្រុកវាលវែង-ស្រុកភ្នំក្រវាញ នៅចំណុចអូរលាក់មាស ភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់៕
