ករណីប្រជាពលរដ្ឋឆក់ខ្សែភ្លេីងមួយករណី នៅក្រុងប៉ៃលិន
ប៉ៃលិន៖ នៅរសៀលម៉ោង១៥និង០០នាទី ថ្ងៃពុធ ១០រោច ខែចេត្រ ឆ្នាំជូត ទោស័ក ព.ស២៥៦៤ ត្រូវនឹង ថ្ងៃទី០៧ ខែមេសាឆ្នាំ២០២១ មានករណីប្រជាពលរដ្ឋឆក់ខ្សែភ្លេីង០១ករណី កេីតឡេីងនៅចំណុចការដ្ឋានសំណង់ធ្វើផ្ទះមួយកន្លែង ស្ថិតនៅភូមិអូពឺតសង្កាត់ទួលល្វា ក្រុងប៉ៃលិន ខេត្តប៉ៃលិន បណ្តាលអោយមានមនុស្សរងរបួសធ្ងន់ម្នាក់ឈ្មោះ ញិត សារ៉ាន់ ភេទប្រុស អាយុ៣៦ឆ្នាំ មុខរបរជាងផ្សាដំបូលផ្ទះ ទីលំនៅបច្ចុប្បន្ននៅភូមិអូរតាពុកក្រោម សង្កាត់ទួលល្វា ក្រុងប៉ៃលិន ខេត្តប៉ៃលិន ។
ម្ចាស់ផ្ទះឈ្មោះ ប៊ុត ធា ភេទប្រុស អាយុ៣៦ឆ្នាំ បច្ចុប្បន្ននៅភូមិអូរតាពុកលេី សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
អំពីរឿងហេតុ ជនរងគ្រោះបានមកធ្វេីដំបូលសំយ៉ាបផ្ទះ អោយម្ចាស់ផ្ទះខាងលេី និងបានឡេីងផ្សារដំបូលសំយ៉ាបផ្ទះ ដោយបានលេីកដែកឡើងទៅលេីប៉ះជាមួយចរន្តខ្សែភ្លេីងធំ នៅជាប់នឹងបង្គោលតាមដងផ្លូវ បណ្ដាលអោយឆក់ធ្លាក់មកដី និងរងរបួសធ្ងន់ ។ បច្ចុប្បន្នជនរងគ្រោះ ត្រូវបានបញ្ជូនទៅសង្រ្គោះនៅមន្ទីរពេទ្យខេត្តបាត់ដំបង ។
