បុរសវ័យចំណាស់ម្នាក់ បានសម្រេចចិត្តចងកសម្លាប់ខ្លួននៅក្នុងព្រៃ
ខេត្តកោះកុង៖ ថ្ងៃអាទិត្យ ៦ កើត ខែបុស្ស ឆ្នាំជូត ទោស័ក ពស ២៥៦៤ត្រូវនឹងថ្ងៃទី២០ ខែធ្នូ ឆ្នាំ២០២០ វេលាម៉ោង ១៧:៣៣ នាទីល្ងាច កម្លាំងអធិការដ្ឋាននគរបាលស្រុកស្រែអំបិល បានទទួលព័ត៌មាន ពីប្រជាការពាររស់នៅភូមិតានី ឃុំជីខលើ ថាបានប្រទះឃេីញមានមនុស្សធ្វើអត្តឃាតដោយចងកសម្លាប់ខ្លួននៅក្នុងព្រៃ ក្រោយពីទទួលដំណឹង កម្លាំងជំនាញ សហការជាមួយកម្លាំងប៉ុស្តិ៍រដ្ឋបាល ដោយមានការចូលរួមពីគ្រូពេទ្យបង្អែកស្រុកស្រែអំបិល ចុះទៅដល់កន្លែងកើតហេតុ ដោយពិនិត្យ សាកសពជនរងគ្រោះមានឈ្មោះ អ៊ីង ទិត្យ ភេទ ប្រុស អាយុ ៧៧ឆ្នាំ មុខរបរកសិករ មានទីលំនៅភូមិតានី ឃុំជីខលើ ស្រុកស្រែអំបិល បានចងកសម្លាប់ខ្លួនឯងពិតប្រាកដមែន តាមការសន្និដ្ឋានរបស់កម្លាំងជំនាញ និងក្រុមគ្រូពេទ្យ ។
បច្ចុប្បន្នសាសពជនរងគ្រោះ បានប្រគល់ជូនក្រុមគ្រសាររៀបចំធ្វើបុណ្យតាមប្រពៃណី។
