លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ ដឹកនាំកិច្ចប្រជុំការងារបូកសរុប លទ្ធផលប្រចាំសប្ដាហ៍និងជម្រុញលេីការងារអត្ដសញ្ញាណកម្ម(ផ្ដល់ផ្ដល់អត្តសញ្ញាណប័ណ្ណ)
កំពង់ស្ពឺ ៖ នាព្រឹកថៃ្ងអង្គារ៍ ទី១០ ខែវិច្ឆិកា ឆ្នាំ២០២០ ស្នងការដ្ឋាននគរបាលខេត្ដកំពង់ស្ពឺ រៀបចំកិច្ចប្រជុំបូកសរុបសភាពការណ៌លទ្ធផលកិច្ចប្រតិបត្ដិការប្រចាំសប្ដាហ៍ និងជម្រុញ ការផ្ដល់អត្ដសញ្ញាណបណ្ណជូនពលរដ្ឋឱ្យបានឆាប់រហ័សនិងតម្លាភាព ។
កិច្ចប្រជុំស្ថិតក្រោមអធិបតីភាព លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ និងបានការអញ្ជេីញចូលរួមពី លោក លោកស្រី ស្នងការរង នាយនាយរងការិយាល័យជំនាញ អធិការ ក្រុង ស្រុក អធិការរង ទទួលការងារអត្ដសញ្ញាណកម្ម និង នាយនគរបាលប៉ុស្ដិ៍រដ្ឋបាលទាំង ៨៧ ឃុំ សង្កាត់ ។
ក្នុងនោះលោកវរសេនីយ៍ឯក លឹម សុី នាយការិយាល័យសរុបបានអានរបាយការណ៍ប្រចាំសប្ដាហ៍និងទិសដៅអនុវត្ដន៍បន្ដ បន្ទាប់មកលោកវរសេនីយ៍ទោ អូន សុវ៉េត ស្នងការរង ទទួលផែនការងារ អត្ដសញ្ញាណកម្ម បានធ្វើ បទអន្ដរាគមន៍ អំពីចំណុចប្រឈមអំពីការផ្ដល់អត្ដសញ្ញាណប័ណ្ណជូនប្រជាពលរដ្ឋ យឺតយ៉ាវ និងណែនាំអំពីចំណុចមួយចំនួន ក្នុងការបំពេញឯកសារសំណុំែបបទលេីការងារផ្ដល់ជូនអត្ដសញ្ញាណប័ណ្ណទុតិយតា អត្ដសញ្ញាណប័ណ្ណ ខូច បាត់ និងការដោះស្រាយអនុវត្ដន៍វិធានការណែនាំ ផ្លូវច្បាប់ ចំពោះការទទួនលយកអត្ដសញ្ញាណប័ណ្ណជារបស់បញ្ចាំទ្រព្យ។ ល។ ការចូលរួមយោបល់បទពិសោធន៍របស់ប៉ុស្តិ៍នគរបាលរដ្ឋបាល អធិការក្រុងស្រុក លេីការងារគ្រប់គ្រងរដ្ឋបាល ។
ការចូលរួមបំពេញបន្ថែមពីលោកស្នងការរង ទទួលផែនការងារជំនាញសន្ដិសុខ និងព្រហ្មទណ្ឌ រួចមក លោកឧត្ដមសេនីយ៍ទោ សម សាមួន ស្នងការនគរបាលខេត្ដ បានធ្វេីការវាយតម្លៃចំពោះលទ្ធផលនៃការអនុវត្ដន៍ ការងារជំនាញផ្ដល់អត្ដសញ្ញាណប័ណ្ណ ការងារពង្រឹងលេីជំនាញសន្ដិសុខ ព្រហ្មទណ្ឌ គ្រឿងញៀន សណ្ដាប់ធ្នាប់សាធារណៈ ចរាចរណ៍ និងកិច្ចការជំនាញផ្សេងៗ ទន្ទឹមនោះលោក ស្នងការ បានជម្រុញអោយថ្នាក់មូលដ្ឋានបន្ដ ដោះស្រាយកិច្ចការបន្ទាន់កិច្ចសហការជាមួយ គណៈបញ្ជាការឯកភាពក្រុង ស្រុក មេឃុំ មេភូមិ ជម្រុញលេីការផ្សព្វផ្សាយជម្រុញពលរដ្ឋអោយមកទទួលសេវាផ្ដល់អត្ដសញ្ញាណប័ណ្ណ ពិសេសដេីម្បីត្រៀមសម្រាប់ការប្រេីប្រាស់ឯកសារយកទៅបោះឆ្នោត នាពេលខាងមុខ និងមិនអនុញ្ញាតអោយគ្រប់បណ្ដាអាជីវកម្មទាំងអស់ទទួលយកនូវឯកសារច្បា ប់ដេីម ដេីម្បីធានាបំណុលជាដាច់ខាត។
ចុងក្រោយការងារដឹកនាំក្នុងអង្គភាពគ្រប់បណ្ដាអង្គភាពទាំងអស់ត្រូវបន្ដដឹកនាំនិងពង្រឹងការងារជំនាញដោយត្រូវមានកិច្ចប្រជុំទៀងទាត់ដើម្បីដកបទពិសោធន៍រកចំណុចខ្លាំងខ្សោយប្រឈម និងមានវិធានការដោះស្រាយសមស្របឆាប់រហ័សមានប្រសិទ្ធិភាព ការងារកសាងអង្គភាព លោកស្នងការនគរបាលខេត្ត បានឧបត្ថម្ភថវិកាផ្ទាល់ខ្លួន ចំនួន ២ លានរៀល ជូននាយប៉ុស្ដិ៍នគរបាលរដ្ឋបាលសែនដី ដេីម្បីរៀបចំកែលម្អរបន្ថែមលេីការងារកសាងប៉ុស្ដិ៍ និងបានអំពាវនាវអោយកងកម្លាំងនគរបាលរក្សាស្ថានភាព ក្នុងកំឡុងពេលវិបត្តិជំងឺកូវី១៩ ដោយអនុវត្ដន៍វិធានសុខាភិបាលជាកំណត់៕
