លោកអធិការនគរបាលស្រុកសំរោងទង អញ្ជើញសួរសុខទុក្ខមន្រ្ដីនគរបាលប៉ុស្ដិ៍សំបូរកំពុងសំរាកព្យាបាលជំងឺនៅមន្ទីរពេទ្យកាល់ម៉ែត្រ និងបាននាំយកថវិកាមួយចំនួនផ្ដល់ជូន
កំពង់ស្ពឺ ៖ នាព្រឹកថ្ងៃទី ០៣ ខែ វិច្ឆិកា ឆ្នាំ ២០២០ ក្រុមការងារដឹកនាំដោយលោកវរសេនីយ៍ឯក ឃុត សុផល អធិការនគរបាលស្រុកសំរោងទង រួមជាមួយក្រុមប្រឹក្សាឃុំសំបូរ មន្រ្តីនគរបាលចំណុះអធិការដ្ឋាននគរបាលស្រុកបានអញ្ជេីញទៅសួរសុខទុក្ខលោកអនុសេនីយ៍ទោ ហ៊ុយ សារិន មន្ត្រីប៉ុស្តិ៍សំបូរ ដែលកំពុងសំរាកព្យាបាលជំងឺនៅមន្ទីពេទ្យកាល់ម៉ែត្រ ដោយជម្ងឺស្ទះសរសៃឈាមក្នុងបេះដូងនឹងបាននាំយកនូវថវិកាមួយចំនួន ១,៧៦០,០០០ រៀល ក្នុងនោះថវិការួមមាន ៖
ថវិកាលោកឧត្ដមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ ។ ថវិកាកងកម្លាំងនគរបាល ចំណុះអធិការដ្ឋាននគរបាលស្រុកសំរោងទង និងប៉ុស្តិ៍នគរបាលរដ្ឋបាលទាំង ១៥ ។ ថវិកាលោកអភិបាលស្រុកសំរោងទង និងថវិកាមន្រ្តី សាលាឃុំសំបូរ ។
ក្នុងនាមថ្នាក់ដឹកនាំស្នងការនគរបាលខេត្ត អភិបាល នៃគណៈអភិបាលស្រុក ក្រុមប្រឹក្សាឃុំ កងកម្លាំងនៃអធិការដ្ឋាននគរបាលស្រុកលោកវរសេនីយ៍ឯក ឃុត សុផល បានផ្ដាំផ្ញេីនិងសូមលេីកទឹកចិត្ដអោយខិតខំព្យាបាលជំងឺ និងមានការជឿជាក់លេីថ្នាក់ដឹកនាំ ពិសេសថ្នាក់ដឹកនាំមិនទុកមន្រ្ដីណាម្នាក់ចោលដោយមិនបានជួយ ឬឈឺឆ្អាលពេលមន្រ្ដីមានទុក្ខលំបាកនោះឡេីយ ជាចុងក្រោយលោកអធិការ ជូនពរឱ្យលោក ហ៊ុយ សារិន ឆាប់ជាសះស្បេីយ និងវិលមកបម្រេីការងារបំពេញបេសកកម្ម ជូនអង្គភាពនិងប្រជាពលរដ្ឋ ។
ក្រុមគ្រួសារ មន្ត្រីនគរបាលកំពុងសំរាកព្យាបាលជំងឺ បានថ្លែងអំណរគុណ យ៉ាងជ្រាលជ្រៅបំផុតចំពោះថ្នាក់ដឹកនាំដែលបានអញ្ជើញមកសាកសួរសុខទុក្ខមន្រ្ដីនគរបាលកំពុងសំរាកព្យាបាលដល់មន្ទីរពេទ្យ សូមជូនពរអោយជួបប្រទះតែសេចក្ដីសុខ ចម្រេីននិងទទួលបានជ័យជំនះក្នុងការបពេញភារកិច្ចជូនជាតិនិងប្រជាពលរដ្ឋ ៕
