លោកវរសេនីយ៍ឯក នន ស៊ីណាត នាំយកនូវថវិការ និងគ្រឿងឧបភោគ ជូនដល់លោកនាយរងប៉ុស្តិ៍នគរបាលឈូកស ដែលមានជំងឺពោះវៀនដុះខ្នែង
ខេត្តកំពង់ឆ្នាំង ៖ នៅព្រឹកថ្ងៃសៅរ៍ ទី៣ ខែតុលា ឆ្នាំ ២០២០ មន្រ្តីនគរបាលនៃអធិការដ្ឋាននគរបាលស្រុកកំពង់ត្រឡាច ដឹកនាំដោយលោកវរសេនីយ៍ឯក នន ស៊ីណាត អធិការនគរបាលស្រុក រួមជាមួយមន្រ្តីនគរបាលក្រោមឱវាទ បាននាំយកនូវថវិការបស់អង្គភាព ចំនួន៧៨០,០០០៛ និងគ្រឿងឧបភោគមួយចំនួន មានដូចជា៖ ទឹកផ្លែឈើ១កេះ ទឹកសុទ្ធ១កេះ ទឹកដោះគោឆៅ១ឡូ ជូនដល់លោក អនុសេនីយ៍ឯក ទូ សោភា នាយរងប៉ុស្តិ៍នគរបាលឈូកស ដោយមានជំងឺពោះវៀនដុះខ្នែង (វះកាត់) ។
ការចែករំលែកបន្តិចបន្តួចនេះ បានបង្ហាញពីការស្រលាញ់ ការយកចិត្តទុកដាក់ ភាពស្មោះត្រង់និងមានទំនួលខុសត្រូវខ្ពស់ របស់អង្គភាពនគរបាលស្រុកកំពង់ត្រឡាចចំពោះមន្ត្រីនគរបាលដែលកំពុងជួបទុក្ខលំបាក និងដោយសារក្រោមការដឹកនាំដ៏ឈ្លាសវៃ របស់លោកឧត្តមសេនីយ៍ទោ ខូវ លី ស្នងការ នៃស្នងការដ្ឋាននគរបាលខេត្តកំពង់ឆ្នាំងផងដែរ ៕
