ផែនអត្ដសញ្ញាណកម្ម ប្រជុំផ្សព្វផ្សាយជម្រុញស្ដីពីផែនការជម្រុញផ្ដល់ឯកសារអត្ដសញ្ញាណប័ណ្ណសញ្ជាតិខ្មែរ សៀវភៅស្នាក់នៅនិងសៀវភៅគ្រួសារ ជូនប្រជាពលរដ្ឋអោយបានឆាប់រហ័សនិងមានតម្លាភាព
កំពង់ស្ពឺ ៖ ព្រឹកថ្ងៃច័ន្ទ ទី២៨ ខែកញ្ញា ឆ្នាំ២០២០ នៅសាលប្រជុំស្នងការដ្ឋាននគរបាលខេត្តកំពង់ស្ពឺ ផែនការងារអត្តសញ្ញាណកម្មបានធ្វើការប្រជុំបូកសរុបរបាយការណ៍លទ្ធផលកិច្ចការផ្ដល់សេវាសាធារណៈជូនប្រជាពលរដ្ឋ ផ្ដល់អត្ដសញ្ញាណប័ណ្ណសញ្ជាតិខ្មែរ សៀវភៅស្នាក់នៅ និងសៀវភៅគ្រួសារ ក្នុងរយៈពេល៩ខែ និងលើកទិសដៅការងារជម្រុញការផ្ដល់ឯកសារសំខាន់ៗ ជាពិសេសដេីម្បីបម្រេីការចុះឈ្មោះបោះឆ្នោតនាពេលខាងមុខ។
អញ្ជេីញដឹកនាំកិច្ចប្រជុំ ពីសំណាក់លោកវរសេនីយ៍ អូន សុវ៉េត ស្នងការរង ទទួលផែនការងារអត្តសញ្ញាណកម្ម និងមានការចូលរួមពី លោក លោកស្រី នាយ នាយរងការិយាល័យចំណុះផែនការងារអត្ដសញ្ញាណកម្ម លោក–លោកស្រី អធិការរង និងលោកនាយផ្នែកទទួលការងារជំនាញក្រុង ស្រុកទាំង៨ និងមន្រ្ដីសរុបចំនួន២៨នាក់។
កិច្ចប្រជុំពិនិត្យវាយតម្លៃលេីរបាយការណ៍ក្នុងរយៈពេល០៩ខែ ដែលបានអនុវត្ដកន្លងមកនិងបានពិភាក្សាចូលរួមយោបល់ស្វែងរកចំណុចប្រឈមនិងការអនុវត្ដជម្រុញលេីការផ្ដល់នូវអត្ដសញ្ញាណប័ណ្ណសញ្ជាតិខ្មែរ ឱ្យប្រជាពលរដ្ឋខ្មែរទាំងពីភេទដែលមានអាយុគ្រប់ត្រូវផ្ដល់អត្ដសញ្ញាណប័ណ្ណនិងការពិនិត្យលទ្ធភាពក្នុងជម្រុញផ្ដល់នូវ«ទុតិយតាថ្មី»អត្ដសញ្ញាណប័ណ្ណហួសសុពលភាព អត្ដសញ្ញាណប័ណ្ណខូច បាត់ធ្វេីយ៉ាងណាខិតខំប្រឹងប្រែងជម្រុញតាមការចាំបាច់របស់ប្រជាពលរដ្ឋ ព្រោះមន្ត្រីជាអ្នកបម្រេីសេវាដ៏ល្អនិងឆាប់រហ័ស ទុកចិត្ត ៕