អភិបាលក្រុងសិរិសោភ័ណ ណែនាំដល់សាលារៀន ត្រូវអនុវត្តឲ្យបានខ្ជាប់ខ្ជួន តាមគោលការក្រសួងអប់រំ និងក្រសួងសុខាភិបាល
បន្ទាយមានជ័យ ៖ ដេីម្បីសុខុមាលភាពរបស់សិស្សានុសិស្ស នៅក្នុងដំណាក់កាលនៃការបេីកឲ្យដំណេីរការគ្រឹះស្ថានមត្តេយ្យសិក្សា និងសេវាអប់រំកុមារតូច បឋមសិក្សា មធ្យមសិក្សា និងគ្រឹស្ថានសិក្សា ឯកជនក្នុងដំណាក់កាលទី២នេះ ក៏ដូចជាតាមគោលការណ៍ក្រសួងអប់រំ យុវជន និងកីឡា ពិសេសក្រសួងសុខាភិបាល លោក ហ៊ឹល រ៉ាយ៉ា អភិបាលក្រុងសិរិសោភ័ណ និងប្រធានគណបញ្ជាការឯកភាពរដ្ឋក្រុងសិរីសោភ័ណ ដាក់ចេញវិធានការដល់ការិយាល័យអប់រំ ក៏ដូចជាបណ្តារសាលារៀនដែលបេីកដំណេីរ ត្រូវមានការពិនិត្យឲ្យបានត្រឹមត្រូវនូវឧបករណ៍វាស់កំដៅ សាប៊ូ ទឹកអាល់កុល ចែលសម្លាប់មេរោគ នឹងម៉ាសសម្រាប់ចែកជូនដល់សិស្សានុសិស្ស ការពារពីការចម្លងមេរោគកូវីដ-១៩។
ការដាក់ចេញវិធានការនេះនៅក្នុងកិច្ចប្រជុំគណបញ្ជាការឯកភាពរដ្ឋក្រុងសិរីសោភ័ណ នៅព្រឹកថ្ងៃទី៩ ខែកញ្ញា ឆ្នាំ២០២០ នៅសាលាប្រជុំ សាលាក្រុងសិរីសោភ័ណ។
លោក ហ៊ឹល រ៉ាយ៉ា ក៏បានបញ្ជាក់ថា ៖ ស្របពេលដែលសាលារៀនបេីកឲ្យដំណេីការក្នុងដំណាក់កាលទី២នេះ គ្រប់សាលារៀនទាំងអស់ត្រូវរៀបចំអនុវត្តតាមគោលការណែនាំរបស់ក្រសួងអប់រំ ដោយត្រូវរៀបចំបរិស្ថានសិក្សាប្រកបដោយប្រសិទ្ធភាព បរិយាបន្ន ផាសុខភាព និងមេត្រីភាព, ការរក្សាគម្លាតសុវត្ថិភាពក្នុងគ្រឹះស្ថានសិក្សា, លេីកកម្ពស់សុខភាពចាំបាច់សម្រាប់អ្នកសិក្សា បុគ្គលិកអប់រំ និងបុគ្គលិកផ្សេងទៀត, បរិក្ខារសម្ភារអនាម័យ, ការអប់រំសុខភាព និងបណ្តុះបណ្តាលអំពីវិធានការទប់ស្កាត់ជម្ងឺកូវីដ-១៩។
លោកអភិបាលក្រុង ក៏បានជម្រុញបន្ថែមដល់អ្នកពាក់ព័ន្ធត្រូវចូលរួមផ្សព្វផ្សាយឲ្យបានផុសផុលដល់អាណាព្យាបាលឲ្យពួកគាត់ចូលរួមក្នុងការប្រយុទ្ធប្រឆាំងការរីករាលដាលជម្ងឺកូវីដ-១៩ ដោយឲ្យពួកគាត់ត្រៀមទឹកអាល់កុល ឬជែលសម្លាប់មេរោគ ឬរបាំងការពារមុខ ជូនដល់កូនៗពួកគាត់ ដេីម្បីចូលរួមការពារពីការចម្លងកូវីដ-១៩៕
