សមាជិកព្រឹទ្ធសភា និងអភិបាលខេត្តបន្ទាយមានជ័យ អញ្ជើញចែកបណ្ណសរសេីរជូនដល់កីឡាករ U-16 ដែលទទួលជ័យលាភី ចំណាត់ថ្នាក់លេខ៣ទូទាំងប្រទេស
បន្ទាយមានជ័យ ៖ នៅល្ងាចថ្ងៃទី៥ ខែកញ្ញា ឆ្នាំ២០២០ ឯកឧត្ដម ឈើយ ចាន់ណា សមាជិកព្រឹទ្ធសភា និងឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានអញ្ជេីញចូលរួមអបអរសាទរ និងប្រគល់បណ្ណសរសេីរ ជូនដល់ប្រតិភូកីឡាខេត្តបន្ទាយមានជ័យ ដែលទទួលបានជ័យលាភីក្រុមកីឡាបាល់ទាត់ Fair Play U16 ទទួលបានចំណាត់ថ្នាក់លេខ៣ នៅទូទាំងប្រទេសកាលពីពេលកន្លងទៅ ពិធីប្រគល់បណ្ណសរសេីរនេះ ធ្វេីឡេីងនៅមុខមន្ទីរ អប់រំ យុវជន និងកីឡាខេត្តបន្ទាយមានជ័យ។
នាឱកាសនោះ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ បានថ្លែងនូវការកោតសរសេីរចំពោះក្រុមកីឡាករ U-16 ដែលបានខិតខំប្រឹងប្រែងអស់ពីកម្លាំងកាយចិត្ត ដណ្តើមយកជ័យលាភីចំណាត់ថ្នាក់លេខ៣នៅទូទាំងប្រទេស ដែលនេះគឺជាមោទនភាពសម្រាប់ខេត្តបន្ទាយមានជ័យ ដែលមានក្មួយជាកីឡាករឆ្នេីម ដណ្តើមយកកត្តិយសជូនខេត្តបន្ទាយមានជ័យរបស់យេីងទាំងមូល។
ទន្ទឹមនឹងនោះ ឯកឧត្ដម អភិបាលខេត្ត ក៏បានលេីកឡេីងជាមួយនឹងភាពរីកចម្រេីនលេីវិស័យកីឡា ឯកឧត្ដម បានជម្រុញដល់ក្មួយៗដែលជាកីឡាករត្រូវខិតខំបន្ថែម ត្រូវខិតខំរៀនសូត្រក្រេបយកចំណេះដឹង ដេីម្បីក្លាយទំពាំងស្នងឬស្សី ធ្វេីជាកូនល្អ ពលរដ្ឋល្អនៅក្នុងសង្គម មិនត្រូវប្រព្រឹត្តនូវអំពេីអបាយមុខផ្សេងៗដែលសង្គមស្អមខ្ពេីម មួយវិញទៀតក្នុងដំណាក់កាលនៃការរាត្បាតជម្ងឺសកល កូវីដ-១៩ ឯកឧត្ដម បានជម្រុញបន្ថែមដល់ប្អូនៗ ក្មួយៗ ត្រូវខិតខំរៀនសូត្របន្ថែមតាមរយៈការសិក្សាតាមប្រព័ន្ធ អេឡិចត្រូនិច សិក្សាពីចម្ងាយ ពិសេសនៅពេលទំនេរត្រូវជួយធ្វេីការងារ ឪពុកម្តាយ និងចូលរួមលេងកីឡារឲ្យបានច្រេីនដេីម្បីទទួលបានសុខភាពល្អទាំងអស់គ្នា៕
