ឃាត់ខ្លួនជនសង្ស័យ៣នាក់ពាក់ព័ន្ធករណីគ្រឿងញៀន
ខេត្តប៉ៃលិន៖ នៅវេលាម៉ោង ១០និង០០ នាទីថ្ងៃអាទិត្យ ០៤រោច ខែភទ្របទ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ០៦ ខែកញ្ញា ឆ្ឋាំ២០២០ កម្លាំងជំនាញនៃអធិការដ្ឋាននគរបាលស្រុកសាលាក្រៅ សហការជាមួយប៉ុស្តិ៍នគរបាល ស្ទឹងកាច់ បាននាំខ្លួនជនសង្ស័យ ឈ្មោះ សែម សុវណ្ណដា ភេទ ប្រុស អាយុ៣៤ ឆ្នាំ ដែលពាក់ព័ន្ធក្នុងករណីរំលោភលេីទំនុកចិត្ត ក្រោយពីពេលសាកសួររួចក៏បានចូលឆែកឆេរក្នុងបន្ទប់ស្នាក់នៅរបស់ជនសង្ស័យ ដែលជាផ្ទះរបស់ឈ្មោះ ងាន់ ស្រីឌី ភេទស្រី អាយុ៣១ ឆ្នាំ រស់នៅភូមិផ្សារព្រំជេីង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ហេីយបានរកឃេីញដែកសម្រាប់កាច់កម៉ូតូចំនួន ០១ និង ថ្នាំញៀនចំនួន ០១កញ្ចប់តូច ។ ក្រោយមកក៏បានឲ្យជនសង្ស័យនាំទៅជួបឈ្មោះ អឿន បញ្ញា ភេទ ប្រុស អាយុ ៣១ឆ្នាំ រស់ភូមិបឹងអូរជាង ឃុំកំរៀង ស្រុកកំរៀង ខេត្តបាត់ដំបង ដែលពាក់ព័ន្ធក្នុងករណីរំលោភទំនុកចិត្តនេះដែរ ។ នៅពេលដែលសមត្ថកិច្ចកំពុងសួរនាំទៅលេីជនសង្ស័យ ស្រាប់តែជនសង្ស័យបានរត់គេចខ្លួន ភ្លាមនោះសមត្ថកិច្ចយេីងក៏បានដេញប្រផាប់ចាប់ប្រភីង ហេីយចាប់ខ្លួនជនសង្ស័យបានតែម្តង និងបានដកហូតម្សៅក្រាមសថ្លាសង្ស័យជាសារធាតុញៀន នៅលេីខ្លួនជនសង្ស័យចំនួន ០៣ កញ្ចប់ធំ និងទូរស័ព្ទម៉ាក់ណូគា ០២ គ្រឿង ។ ក្រោយមកក៏បានសុំការអនុញ្ញាតពី ឯឧត្តមព្រះរាជអាជ្ញា និងបានសហការជាមួយកម្លាំងជំនាញនៃអធិការដ្ឋាននគរបាលស្រុកកំរៀង ដេីម្បីធ្វេីការឆែកឆេរកន្លែងស្នាក់នៅរបស់ជនសង្ស័យ ក្នុងនោះដែរកម្លាំងសមត្ថកិច្ចក៏បានរកឃេីញម្សៅក្រាមសថ្លាសង្ស័យជាសារធាតុញៀនចំនួន ០១កញ្ចប់តូចទៀត ។
ក្នុងកិច្ចប្រតិបត្តិការនេះ នគរបាលយើងបានឃាត់ខ្លួនជនសង្ស័យចំនួន ០៣ នាក់ ឈ្មោះ សែម សុវណ្ណដា ភេទប្រុស អាយុ ៣៤ឆ្នាំ រស់នៅភូមិផ្សារព្រំជេីង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ឈ្មោះ អឿន បញ្ញា ភេទប្រុស អាយុ ៣១ឆ្នាំ រស់ភូមិបឹងអូរជាង ឃុំកំរៀង ស្រុកកំរៀង ខេត្តបាត់ដំបង។
និងឈ្មោះ ងាន់ ស្រីឌី ភេទស្រី អាយុ ៣១ ឆ្នាំ រស់នៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
វត្ថុតាងដកហូតបានមាន ម្សៅក្រាមសថ្លាសង្ស័យជាសារធាតុញៀនចំនួន ០៥ កញ្ចប់ ធំចំនួន ០៣កញ្ចប់ និងតូចចំនួន ០២កញ្ចប់ ផងដែរ។
