ស្នងការដ្ឋាននគរបាលខេត្ដ ប្រជុំផ្សព្វផ្សាយផែនការ សេចក្ដីណែនាំ ស្ដីពីវិធានការការពារ សន្តិសុខ សុវត្ថិភាព និងសណ្ដាប់ធ្នាប់សង្គម ក្នុងឱកាសបុណ្យកាន់បិណ្ឌ បុណ្យភ្ជុំបិណ្ឌ ប្រពៃណីជាតិខ្មែរ ឆ្នាំ២០២០
កំពង់ស្ពឺ ៖ នាព្រឹកថៃ្ងសុក្រ ទី០៤ ខែកញ្ញា ឆ្នាំ២០២០ នៅសាលប្រជុំ នៃស្នងការដ្ឋាននគរបាលខេត្ដកំពង់ស្ពឺ មានកិច្ចប្រជុំផ្សព្វផ្សាយស្ដីពី ផែនការ សេចក្ដីណែនាំ ស្ដីពីវិធានការ ការពារ សន្តិសុខ សុវត្ថិភាព និងសណ្ដាប់ធ្នាប់សង្គម ក្នុងឱកាសបុណ្យបុណ្យកាន់បិណ្ឌ បុណ្យភ្ជុំបិណ្ឌ ប្រពៃណីជាតិ ឆ្នាំ២០២០ ឆ្នាំជូត ទោស័ក ព.ស ២៥៦៤ គ.ស ២០២០។
ពិធីប្រជុំផ្សព្វផ្សាយ ដឹកនាំដោយ លោកឧត្ដមសេនីយ៍ត្រី ញ៉ែម សៅ ស្នងការរង ទទួលផែនការងារសន្ដិសុខ តំណាងលោកស្នងការ
និងបានការអញ្ជេីញចូលរួមពី ៖លោក លោកស្រី ស្នងការរង ទទួលផែនចំណុះស្នងការដ្ឋាននគរបាលខេត្ដ លោកនាយការិយាល័យពាក់ព័ន្ធ លោកអធិការក្រុង ស្រុក ទាំង០៨។
យោងតាមសេចក្ដីណែនាំលេខ : ០០៧ ស.ណ.ន របស់អគ្គស្នងការនគរបាលជាតិ សេចក្ដីណែនាំលេខ : ១០/២០ របស់គណៈបញ្ជាការឯករដ្ឋបាលខេត្ដកំពង់ស្ពឺ និងផែនការលេខ : ០១៧/២០ របស់ស្នងការដ្ឋាននគរបាលខេត្តកំពង់ស្ពឺ កំលាំងនគរបាល ចំណុះស្នងការដ្ឋាននគរបាលខេត្ដ ត្រូវធានានិងរក្សាសន្ដិសុខ សុវត្ថិភាព និងសណ្ដាប់ធ្នាប់សាធារណៈសង្គម អោយបានដាច់ខាត រៀបចំក្រុមប្រចាំការ ២៤ម៉ោង រង់ចាំទទួលជួយអន្ដរាគមន៍ ក្នុងករណីចាំបាច់ជាយថាហេតុ និងត្រូវដោះស្រាយសម្របសម្រួលបញ្ហាចរាចរណ៍នៅតាមដងផ្លូវជាតិ ផ្លូវលំ ទីប្រជុំជន ទីវត្តអារ៉ាម រមណីយដ្ឋាននានាក្នុងភូមិសាស្រ្ដខេត្ដឱ្យទទួលបានលទ្ធផលល្អ ជូនប្រជាពលរដ្ឋ ពុទ្ធបរិស័ទក្នុងការអញ្ជេីញមកធ្វេីបុណ្យ និងមកកំសាន្ដសប្បាយនៅស្រុកកំណេីត ពិសេសក្នុងពេលធ្វេីដំណេីរតាមមធ្យោបាយ យានយន្ត ទោចក្រយាន ទៅបុណ្យបោះបាយបិណ្ឌ បុណ្យកាន់បិណ្ឌ និងពិធីភ្ជុំបិណ្ឌ ផ្សព្វផ្សាយបន្ថែមអំពីគ្រោះថ្នាក់ចៃដន្យដោយគ្រោះអគ្គិភ័យបណ្ដាលមកពីការឆ្វេសប្រហែស ក្នុងនោះផង ត្រូវបន្ដអនុវត្ដតាមវិធានណែនាំរបស់សុខាភិបាល(កូវីដ.១៩) ក្រោមពាក្យស្លោកចងចាំមិនភ្លេច «កូវីដមិនភ្លេចយេីងទាំងអស់គ្នា មានតែយេីងទេ ភ្លេចកូវីដ »៕