លោកឧត្តមសេនីយ៍ស្នងការ អញ្ជើញចូលរួមគោរពវិញ្ញាណក្ខន្ធសព ម្ដាយក្មេក ឯកឧត្តម សួន ឈាងលី អនុរដ្ឋលេខាធិការ ក្រសួងមហាផ្ទៃ
កំពង់ចាម ៖នៅរសៀលថ្ងៃព្រហស្បតិ៍ ១០កេីត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែកក្កដា ឆ្នាំ២០២០ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម និងសហការី បានអញ្ជើញចូលរួមក្នុងពីធីគោរពវិញ្ញាណក្ខន្ធសពឧបាសិកា ឈិន គឹមអ៊ន់ ត្រូវជាម្ដាយក្មេករបស់ ឯកឧត្តម នាយឧត្តមសេនីយ៍ សួន ឈាងលី អនុរដ្ឋលេខាធិការ ក្រសួងមហាផ្ទៃ ដែលបានទទួលមរណភាព កាលពីថ្ងៃ២៩ ខែកក្កដា ឆ្នាំ២០២០ ដោយជរាពាធិ៍ ស្ថិតនៅភូមិនាងគង្ហីង សង្កាត់សំបួរមាស ក្រុងកំពង់ចាម ខេត្តកំពង់ចាម ។
ក្នុងឱកាសគោរពវិញ្ញាណក្ខន្ធនោះដែរ លោកឧត្តមសេនីយ៍ស្នងការ ក៏បាននាំយកបច្ច័យដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ចំនួន៤,០០០,០០០រៀល ដើម្បីចូលរួមជាបច្ច័យបុណ្យ ប្រគល់ជូនក្រុមគ្រួសារនៃសពផងដែរ ៕