ស្នងការដ្ឋាននគរបាលខេត្ដកំពង់ស្ពឺ ទទួលបានរថយន្តមួយគ្រឿងម៉ាក GENPAW ដែលជាអំណោយដ៏ថ្លៃថ្លារបស់ សម្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានីហ៊ុនសែន
ខេត្តកំពង់ស្ពឺ ៖ នារសៀលថ្ងៃអង្គារ ៣កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៣ ខែមិថុនា ឆ្នាំ២០២០ រថយន្តមួយគ្រឿង ម៉ាក GENPAW ដែលជាអំណោយដ៏ថ្លៃថ្លារបស់ សម្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ត្រូវបានផ្ដល់ជូនដល់អង្គភាព ស្នងការដ្ឋាននគរបាលខេត្ដកំពង់ស្ពឺ រថយន្តដែលបានទិញនិងប្រគល់ជូននាឱកាសនេះ គឺជាថវិកាបានមកពីរការចូលរួមជួយឧបត្ថមពីរសំណាក់ក្រុមសប្បុរសជនក្នុងប្រទេស ដែលមានសមានចិត្តជួយតាមការអំពាវរបស់ប្រមុខរាជរដ្ឋាភិបាលកម្ពុជាក្នុងការលើកកម្ពស់ប្រសិទ្ធភាពនិងលទ្ធភាពរបស់កងកម្លាំងប្រដាប់អាវុធ “ កងកម្លាំងនគរបាលជាតិ កងយោធពលខេមរភូមិន្ទ កងរាជអាវុធហត្ថ “ ក្នុងការបំពេញភារកិច្ចបម្រើជូនជាតិ មាតុភូមិ និងប្រជាជនយើង។
ក្នុងនាមកងកម្លាំងនគរបាល នៃស្នងការដ្ឋាននគរបាលខេត្ដកំពង់ស្ពឺ ទាំងអស់ សូមគោរព ជូនពរថ្លែងអំណរអរគុណ ជាអនេកបំផុតជូនចំពោះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដី នៃព្រះរាជាណាចក្រកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានីហ៊ុនសែន ដែលជានិច្ចជាកាលក្នុងបុព្វហេតុស្នេហាជាតិ ស្រលាញ់កងកម្លាំងប្រដាប់អាវុធ ទឹកចិត្ដស្មោះត្រង់ចំពោះប្រជាជន និងមាតុភូមិ សម្ដេចទាំងទ្វេរតែងតែជួយឧបត្ថម្ភគាំទ្រគ្រប់បែបយ៉ាងទាំងសម្ភារៈ ស្មារតីចំពោះការគៀងគរ នូវសប្បុរសជនមានធនធានធ្វើសប្បុរសធម៌ចែករំលែក ជូនដល់អង្គភាពគ្រប់(សម្ព័ន្ធមេត្រីភាពរវាងស្ថាប័នជាមួយវិស័យឯកជន និងស្ថាប័នពាក់ព័ន្ធ)ក្នុងរួមចំណែកបង្កេីនសាមគ្គឺឯកភាពផ្ទៃក្នុងជាតិ ស្រលាញ់ស្មោះត្រង់ការពារបូរណភាពទឹកដី ការពាររក្សាបានសន្ដិសុខ សុវត្ថិភាព ធានាបានសន្ដិភាពពេញបរិបរណ៌ ជូនសង្គមជាតិនិងប្រជាពលរដ្ឋ ៕
សូមសម្ដេចទាំងទ្វេរ ព្រមទាំងបុត្រា បុត្រី បុត្រប្រសារ ចៅប្រុស ស្រី ក្រុមគ្រួសារសម្ដេចតេជោ និងសម្ដេចកិត្ដិព្រឹទ្ធបណ្ឌិត ទទួលបាននូវពុទ្ធពរទាំងបួនប្រការ អាយុយឺនយូរ ដឹកនាំនាវាកម្ពុជាឆ្ពោះទៅកាន់ការរីកចម្រេីន វឌ្ឍនៈភាព សម្បូរសប្បាយជានិច្ចនិរន្តរ៍ ៕
