ឃាត់ខ្លួនជនសង្ស័យ ២នាក់ ករណីជួញដូរដោយខុសច្បាប់នូវសារធាតុញៀន
ខេត្តបាត់ដំបង៖ កាលពីថ្ងៃសុក្រ ៧រោច ខែជេស្ឋ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១២ ខែមិថុនា ឆ្នាំ២០២០ វេលាម៉ោង ១៣:៣៥ នាទី នៅចំណុចភូមិបុស្សខ្នុរ ឃុំចែងមានជ័យ ស្រុកបាណន់ ខេត្តបាត់ដំបង កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុករតនមណ្ឌល សហការជាមួយកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកបាណន់ បានចុះប្រតិបត្តិការ បង្ក្រាបបានករណីជួញដូរដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង ។
នៅក្នុងកិច្ចប្រតិបត្តិការ សមត្ថកិច្ចយើងចាប់ឃាត់ខ្លួនជនសង្ស័យបានចំនួន ២នាក់ មានឈ្មោះដូចខាងក្រោមៈ ១-ឈ្មោះ ឆាយ សំណាង ហៅ ម៉ាប់ ភេទប្រុស អាយុ ១៧ ឆ្នាំ មានទីលំនៅ ភូមិដូង ឃុំចែងមានជ័យ ស្រុកបាណន់ ខេត្តបាត់ដំបង។
២-ឈ្មោះ គឹម សីហា ភេទប្រុស អាយុ ១៩ឆ្នាំ មានទីលំនៅភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង។ វត្ថុតាងចាប់យកបានរួមមានថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ ទម្ងន់ ១,០៤ ក្រាម (ទាំងសំបក), ទូរស័ព្ទដៃ ចំនួន ០១ គ្រឿង (ចាស់) និងម៉ូតូ ១គ្រឿង ម៉ាកវីនណ័រ ពណ៌ខ្មៅ គ្មានស្លាកលេខ មានលេខតួ RLHKC2601JY-226126 និងលេខម៉ាស៊ីន KC26E-1079700 ។
ជនល្មើសនិងវត្ថុតាងបច្ចុប្បន្នបាននឹងកំពុងរៀបចំសំណុំរឿងបញ្ជូនទៅតុលាការ ខេត្តបាត់ដំបង។សួន ស៊ីរ៉ា
