ឃាត់ខ្លួនជនសង្ស័យជួញដូរគ្រឿងញៀនម្នាក់ នៅស្រុកសំពៅលូន
ខេត្តបាត់ដំបងៈ នៅថ្ងៃព្រហស្បតិ៍ ១៤កើត ខែជេស្ឋ ឆ្នាំជូត ទោស័ក ព.ស ២៥៦៤ ត្រូវថ្ងៃទី ០៤ ខែ មិថុនា ឆ្នាំ ២០២០ វេលាម៉ោង ១២:៣០នាទី នៅចំណុចក្រុមទី០៨ ភូមិវាលវង់ ឃុំតាស្ដា ស្រុក សំពៅលូន ខេត្តបាត់ដំបង កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសំពៅលូន បានចុះប្រតិបត្តិការ បង្ក្រាបករណីរក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង។
នៅក្នុងកិច្ចប្រតិបត្តិការនេះ សមត្ថកិច្ចយើងចាប់ឃាត់ខ្លួនជនសង្ស័យបានចំនួនម្នាក់ ឈ្មោះ ធិន ចាន់ ភេទ ប្រុស អាយុ ៣៣ ឆ្នាំ មានទីលំនៅ ភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។ វត្ថុតាងចាប់យកបានរួមមានថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១កូនថង់ និង ៣ កំណាត់ទុយូបឺត ទម្ងន់ ១,២៧ ក្រាម (ទាំងសំបក), ទូរស័ព្ទ ១គ្រឿង(ចាស់)។
ចំណែកជនល្មើស និងវត្ថុតាងបច្ចុប្បន្នបាននឹងកំពុងរៀបចំសំណុំរឿងបញ្ជូនទៅតុលាការ ខេត្តបាត់ដំបង។សួន ស៊ីរ៉ា
