មនុស្ស ០២នាក់ស្លាប់ និង៦នាក់ទៀតរងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍រថយន្តបុកគ្នា
ខេត្តកោះកុង ៖ មនុស្ស ០២នាក់បានស្លាប់បាត់បង់ជីវិតក្នុងនោះមានស្ត្រីម្នាក់ និងក្មេងប្រុសម្នាក់ និងមានអ្នករងរបួសធ្ងន់ ស្រាលចំនួន ៦នាក់ (ស្រី៤នាក់) ផ្សេងទៀត ក្នុងហេតុការណ៍គ្រោះថ្នាក់ចរាចរណ៍នៅវេលាម៉ោងជិត១១ថ្ងៃត្រង់ ថ្ងៃ១៥ ខែឧសភា ឆ្នាំ២០២០ នៅលើផ្លូវជាតិលេខ ៤៨ ចន្លោះបង្គោលគីឡូម៉ែត្រលេខ ១-២ (ចំណុចស្ពានអូរជ្រៅ) ក្នុងភូមិអូរជ្រៅឃុំ បឹងព្រាវ ស្រុកស្រែអំបិល។ ដែលគ្រោះថ្នាក់ចរាចរណ៍នេះ កេីតឡេីងរវាងរថយន្តធំ បុកប៉ះគ្នាជាមួយរថយន្តតូចម៉ាកហាយឡិនឌ័រ មានទិសដៅផ្ទុយគ្នា ហេីយរថយន្តធ្លាក់ចូលក្នុងអូរ។
ក្រោយកើតហេតុសមត្ថកិច្ច បានអន្តរាគមន៍ជួយយកអ្នករបួសទៅមន្ទីរពេទ្យ និងចាត់ចែងដោះស្រាយតាមនីតិវិធី៕
