ឯកឧត្តម ប្រាក់ សុវណ្ណ អញ្ជើញចុះពិនិត្យមើលចំណុចគោលដៅទាំង០៤ នៃខេត្តព្រះវិហារ
ខេត្តព្រះវិហារ៖ នាថ្ងៃទី១០ ខែមេសា ឆ្នាំ២០២០ ក្រោយពីទទួលបានបទបញ្ជារបស់រាជរដ្ឋាភិបាលស្តីពីការដាក់កំហិតលើការធ្វើដំណើរក្នុងប្រទេស ក្នុងគោលដៅបង្ការ និងទប់ស្កាត់ការរាតត្បាតនៃជំងឺកូវីដ-១៩ សេចក្តីសម្រេចរបស់រាជរដ្ឋាភិបាល ស្តីពីការកែសម្រួលបទបញ្ជាលេខ ០២ ប ប ចុះថ្ងៃទី០៩ ខែមេសា ឆ្នាំ២០២០។ ឯកឧត្តម ប្រាក់ សុវណ្ណ អភិបាល នៃគណ:អភិបាលខេត្តព្រះវិហារ អមដំណើរដោយលោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត លោកឧត្តមសេនីយ៍ត្រី កង សៅគុណ មេបញ្ជាការកងរាជអាវុធហត្ថខេត្ត បានអញ្ជើញចុះពិនិត្យមើលចំណុចគោលដៅទាំង០៤ ខេត្តព្រះវិហារ មានគោលដៅជីអោក ព្រំប្រទល់ខេត្តកំពង់ធំ គោលដៅ អូរប្រាំព្រាម ព្រំប្រទល់ខេត្តសៀមរាប គោលដៅ អូរចង្ហារ ព្រំប្រទល់ខេត្តស្ទឹងត្រែង អូរទឹកខៀវ ព្រំប្រទល់ខេត្តឧត្តរមានជ័យ និងបានចុះត្រួតពិនិត្យកម្លាំងចម្រុះដែលធ្វេីការហាម ឃាត់ និងណែនាំដល់ប្រជាពលរដ្ឋមិនអោយចាកចេញពីតំបន់ មួយ ទៅតំបន់មួយទៀត ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ខាងមុខនេះដេីម្បីទប់ស្កាត់ការឆ្លងរីករាលដាលនៃជំងឺ COVID-19 ។