ឃាត់ខ្លួនជនសង្ស័យ២នាក់ក្នុងករណីរំលោភលើទំនុកចិត្ត(ខ្ចីម៉ូតូ)
កណ្ដាល៖ ថ្ងៃទី២១ ខែមិនា ឆ្នាំ២០២០ វេលាម៉ោង០៤.០០នាទី ទាបភ្លឺ ស្ថិតត្រង់ចំណុចភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្ដាល មានករណីរំលោភលើទំនុកចិត្ត ១ករណីកើតឡើង ដោយជនរងគ្រោះម្នាក់ឈ្មោះ ណាំ វណ្ណា ភេទប្រុស អាយុ
២១ឆ្នាំ មុខរបរកម្មករសំណង់ មានទីលំនៅ
ភូមិខ្លាខាំ ឃុំសេនារាជឩត្តម ស្រុកព្រះស្តេច ខេត្តព្រៃវែង។
ចំណែកឯជនសង្ស័យមានគ្នា០៣នាក់ ១-ឈ្មោះ ម៉ៅ បញ្ញា ភេទប្រុស អាយុ១៦ឆ្នាំ មុខរបរ៖ រើសអេដចាយ ទីលំនៅភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្តាល (ឃាត់ខ្លួន )។ ២-ឈ្មោះ វ៉ិត វៃ ភេទប្រុស អាយុ១៩ឆ្នាំ មុខរបរ៖មិនពិតប្រាកដ ទីលំនៅភូមិបត្តាជី សង្កាត់ព្រែកហូរ ក្រុងតាខ្មៅ ខេត្តកណ្តាល (ឃាត់ខ្លួន )។ ៣-ឈ្មោះ ឆៃ ភេទប្រុស អាយុ៣០ឆ្នាំ មុខរបរ៖មិនពិតប្រាកដ ទីលំនៅភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល (គេចខ្លួន )។
សំភារៈបាត់បង់មានម៉ូតូ១គ្រឿងម៉ាក Honda c125 ពណ៌ខ្មៅសេរី២០១៧ ផ្លាកលេខ ព្រៃវែង ១L០៤២៣(ម៉ូតូបង់រំលោះឯកសារទុកនៅផ្ទះខេត្តព្រៃវែង)។ សូមបញ្ជាក់ផងដែរថាមុនពេលកើតហេតុជនរងគ្រោះ និងជនសង្ស័យ៣នាក់ខាងលើ បានទិញថ្នាំញៀនជក់នៅក្នុងព្រៃខាងក្រោយភូមិបត្តាជី សង្កាត់ព្រែកហូរ ក្រុងតាខ្មៅ។
បន្ទាប់ពីនាំគ្នាជក់ថ្នាំញៀនរួច លុះដល់វេលាម៉ោងកើតហេតុខាងលើ ជនសង្ស័យទី១ និងទី២បានសុំខ្ចីម៉ូតូពីជនរងគ្រោះដោយប្រាប់ថា៖ ទៅដើរលេងនៅក្រុងតាខ្មៅមួយភ្លែត រួចបន្តរទៅលេងណេតនៅម្តុំផ្សារកាច់ជ្រុង ពេលនោះក៏ជួបនិងជនសង្ស័យទី៣ឈ្មោះឆៃ ហើយវាក៏បានសុំខ្ចីម៉ូតូបន្តរទៀត យកទៅបាត់រហូតតែម្តង។
លុះមកដល់ថ្ងៃទី២៤ ខែមិនា ឆ្នាំ២០២០ ជនរងគ្រោះបានមកប្តឹងសមត្ថកិច្ចប៉ុស្តិព្រែកហូរអោយជួយឃាត់ខ្លួន បញ្ជូនមកអធិការដ្ឋាននគរបាលក្រុងតាខ្មៅ ដើម្បីចាត់ការតាមនិតិវិធីតែម្តង។