បុរស២នាក់ជិះម៉ូតូមិនប្រយ័ត្នដួលបោកក្បាលស្លាប់ម្នាក់របួសធ្ងន់ម្នាក់
ពោធិ៍សាត់៖ បុរសម្នាក់ស្លាប់និងម្នាក់របួសធ្ងន់ ដោយករណីគ្រោះថ្នាក់ចរាចរណ៍មួយបង្កឡើងជិះម៉ូតូដួលខ្លួនឯង ឧបទ្ទវហេតុនេះកើតឡើងកាលពី ថ្ងៃទី១៤ ខែមីនា ឆ្នាំ២០២០ វេលាម៉ោង ១៥និង០៥នាទីនៅលើផ្លូវកៅស៊ូនៅត្រង់ចំនុចអូររុង ស្ថិតនៅភូមិទួលអណ្ដែត ឃុំស្វាយស ស្រុកក្រគរ ខេត្តពោធិសាត់ ។ សាក្សីនៅកន្លែងកើត ហេតុបានឲ្យដឹងថា មុនពេលកើតហេតុមានបុរស២នាក់ជិះម៉ូតូម៉ាក់ HONDA ធុនសេ១២៥ ពណ៌ខ្មៅ. គ្មានផ្លាកលេខ ធ្វើចរាចរណ៍ពីជើង ទៅត្បូងបោះពួយយ៉ាងលឿន លុះមកដល់ចំណុចខាងលើដួលតែម្តង។ ក្រោយពេកើតហេតុគេឃើញសមត្ថកិច្ចចុះដល់កន្លែងកើតហេតុហើយស្គាល់ជនរងគ្រោះអ្នកបើកម៉ូតូឈ្មោះ ឆាន់ ឆេង អាយុ១៨ ឆ្នាំ ភេទប្រុស រស់នៅភូមិទួលអណ្តែត ឃុំស្វាយស ស្រុកក្រគរ ខេត្តពោធិ៍សាត់ រងរបួសធ្ងន់ និងអ្នករួមដំណើរឈ្មោះ ហំ ភារម្យ អាយុ ១៧ ឆ្នាំភេទប្រុសទីលំនៅភូមិឃុំជាមួយគ្នាបាន ស្លាប់នៅនឹងកន្លែងហើយសមត្ថកិច្ចប្រគល់ម៉ូតូនិងសាសពឲ្យក្រុមគ្រួសារយកទៅផ្ទះធ្វេីបុណ្យតាមប្រពៃណី ។ សមត្ថកិច្ចមូលដ្ឋានបានឲ្យដឹងថាករណីគ្រោះថ្នាក់នេះបណ្តាមកពីអ្នកបើកបរក្រោមឥទ្ធិពលនៃជាតិ ស្រវឹង នឹង មិនពាក់មួកសុវត្ថិភាព៕
