មន្ត្រីមន្ទីរពាណិជ្ជកម្មខេត្តសៀមរាប ចុះពិនិត្យនិងត្រួតពិនិត្យតម្លៃ ម៉ាស់ ទឹកលាងដៃ
សៀមរាប ៖ ដោយសារតែមានជន
ឆ្លៀតឱកាសតម្លើងតម្លៃទំនិញ ព្រោះតែវិបត្តិ កូវីដ ១៩ ។ កាលពីថ្ងៃទី០៨ ខែមីនា ឆ្នាំ២០២០ក្រុមការងារមន្ត្រីមន្ទីរពាណិជ្ជកម្មខេត្តសៀមរាប បានចុះស្រង់តម្លៃលក់ម៉ាស និងត្រួតពិនិត្យស្តុកម៉ាស នៅតាមបណ្តាឱសថស្ថាន នៅក្នុងក្រុងសៀមរាប ខេត្តសៀមរាប។
ការចុះត្រួតពិនិត្យនេះ ធ្វើឡើងក្នុងគោលបំណងណែនាំដល់ ពាណិជ្ជករ អាជីវករ សេវាករ និងម្ចាស់ឱសថស្ថាន ៖- សូមកុំដំឡើងថ្លៃម៉ាស់ អាកុលលាងដៃ និងជេលលាងដៃ ហួសហេតុធ្វើឲ្យប៉ះពាល់ដល់កិត្តិយស និងសេចក្តីថ្លៃថ្នូរក្នុងការប្រកបអាជីវកម្ម តាមរយៈការកេងចំណេញ ក្នុងស្ថានភាពដែលប្រជាជនមានការលំបាក។ – សូមចូលរួមសហការ និងរួមចំណែកការងារមនុស្សធម៌ និងកាត់បន្ថយការឆ្លងជំងឺរលាកសួតដោយ កូវីដ-១៩ (Covid-19)។
ក្នុងពេលចុះពិនិត្យនោះ យោងតាមការសាកសួរភាគច្រើនអាកុលលាងដៃ មានលក់តិចតួចនៅតាមឱសថស្ថាន។ ហើយតម្លៃលក់ម៉ាស អាកុលលាងដៃ ជេលលាងដៃ ឃើញលទ្ធផលដូចខាងក្រោម៖ ម៉ាសម៉ាក GLS Pro ១ម៉ាស តម្លៃលក់២,០០០ រៀល និងKHAN Trang (វៀតណាម) តម្លៃ២៥ដុល្លារ (៥០ម៉ាស) – ម៉ាក HI TEHCH ចំនួន ៥០ម៉ាស តម្លៃលក់ ២៤ ដុល្លារ – ម៉ាក TIANYU SHU KN 90 ១ម៉ាសតម្លៃលក់ ១៦,០០០ រៀល – ម៉ាក Face Mask Protection (ចិន) ១ម៉ាស តម្លៃលក់ ១.៨ ដុល្លារ – ម៉ាក Mini Pro C (វៀតណាម) ចំនួន ៥០ម៉ាស តម្លៃលក់ ២៣ ដុល្លារ – ម៉ាក Eco Fresh (វៀតណាម) ចំនួន៥០ម៉ាស តម្លៃលក់ ២៣ ដុល្លារ – ជេលលាងដៃ (Gel Green Crass) ៦០ មីលីលីត្រ មួយតម្លៃលក់ ៤ ដុល្លារ – ជេលលាងដៃ (Hand Cleansing Gel) ៣០០ មីលីលីត្រ ចំនួន១ តម្លៃ លក់ ៦ ដុល្លារ – ជេលលាងដៃ (Green Cross) វៀតណាម ១០០ មីលីលីត្រ ចំនួន១តម្លៃលក់ ២.៤ ដុល្លារ – ជេលលាងដៃ (DN Clean Gel) ១០០ មីលីលីត្រ ចំនួន១ តម្លៃលក់ ៥ ដុល្លារ៕