ឈ្លោះប្រកែកគ្នាជាមួយម្តាយក្មេក យកពូថៅមកគំរាមថានឹងសម្លាប់ ត្រូវបានសមត្ថកិច្ចឃាត់ខ្លួន
ខេត្តកំពង់ឆ្នាំង ៖ នៅព្រឹកថ្ងៃព្រហស្បតិ៍ ៧រោច ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹង ថ្ងៃទី១៦ ខែមករា ឆ្នាំ២០២០ វេលាម៉ោង១១ និង៣០ នាទី កម្លាំងនគរបាលនៃអធិការដ្ឋានស្រុកកំពង់ត្រឡាច បានឃាត់ខ្លួនជនសង្ស័យម្នាក់ឈ្មោះ ឡាច ផល្លា ភេទប្រុស អាយុ៣៧ឆ្នាំ រស់នៅភូមិលាជ ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង ក្នុងករណីគំរាមកំហែងថានឹងសម្លាប់ម្ដាយក្មេកឈ្មោះ លូង លី ភេទស្រី អាយុ៥៨ឆ្នាំ ដោយពូថៅ កាលពីថ្ងៃទី១៥ ខែមករា ឆ្នាំ២០២០ វេលាម៉ោង ១៦ និង៣០នាទី នៅចំណុចភូមិលាជ ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង បន្ទាប់ពីបានឈ្លោះប្រកែកគ្នាជាមួយម្តាយក្មេករូបនោះ ។
បច្ចុប្បន្នជនសង្ស័យរួមនិងវត្ថុតាងត្រូវបានសមត្ថកិច្ចបញ្ជូនទៅការិយាល័យជំនាញនៃស្នងការដ្ឋានខេត្តកំពង់ឆ្នាំង ៕
