ស្នងការដ្ឋាននគរបាលខេត្តឧត្ដរមានជ័យ នាំយកថវិកាសមាគមមិត្តនគរបាលជាតិកម្ពុជា ជូនគ្រួសារសពចំនួន០៣ គ្រួសារ
ខេត្តឧត្ដរមានជ័យ៖ នៅព្រឹកថ្ងៃទី០៤ ខែមករា ឆ្នាំ២០២០ លោកឧត្តមសេនីយ៍ត្រី ព្រហ្ម សំអាត ស្នងការរងទទួលផែនការងារធនធានមនុស្ស និងលោកឧត្តមសេនីយ៍ត្រី គិត គឹមហុង ស្នងការរងទទួលផែនការងារភស្តុភារ និងហរិញ្ញវត្ថុ តំណាងដ៏ខ្ពង់ខ្ពស់ លោកឧត្តមសេនីយ៍ទោ ម៉ែន លី ស្នងការនគរបាលខេត្ត អញ្ជើញប្រគល់ថវិកាសមាគមមិត្តនគរបាលជាតិកម្ពុជា ជូនគ្រួសារសពចំនួន០៣ គ្រួសារ ស្មើនឹងទឹកប្រាក់ចំនួន ១៤,០០០,០០០៛ ប្រគល់ជូនគ្រួសារសពដូចខាងក្រោម ៖
១.លោកស្រី សេ ថារី ត្រូវជាភរិយា នៃសពលោកវរសេនីយ៍ទោ លុយ ណាក់អធិការរង នៃអធិការដ្ឋាននគរបាលក្រុងសំរោង ដែលបានទទួលមរណៈភាពដោយជំងឺទឹកនោមផ្អែម ថ្ងៃទី០៩ ខែ វិច្ចិកា ឆ្នាំ ២០១៩ ចំនួន ៦,០០០,០០០៛ (ប្រាំមួយលានរៀលគត់)។
២.លោកស្រី ណោត ជឿត ត្រូវជាភរិយានៃសពលោកអនុសេនីយ៍ទោ ផុស ស្រៀប មន្ត្រី នៃអធិការដ្ឋាននគរបាលស្រុកបន្ទាយអំពិល ដែលបានទទួលមរណៈភាពដោយសារ ជំងឺទឹកនោមផ្អែម ថ្ងៃទី ៣០ ខែ កញ្ញា ឆ្នាំ២០១៩ ចំនួន ៦,០០០,០០០៛ (ប្រាំមួយលានរៀលគត់) ។
៣.លោក អនុសេនីយ៍ទោ ង៉ែត សោភ័ណ្ឌ មន្ត្រី នៃអធិការដ្ឋាននគរបាលស្រុកអន្លង់វែង ត្រូវជាស្វាមី នៃសពលោកស្រី ជុំ សុមត្ថា ដែលបានទទួលមរណៈភាពដោយសារ គ្រោះថ្នាក់ចរាចរណ៍ នៅថ្ងៃទី២៣ ខែកញ្ញា ឆ្នាំ២០១៩ ចំនួន ២,០០០,០០០៛ (ពីរលានរៀលគត់)៕
