លោកស្នងការនគរបាលខេត្តកែប បានចូលរួម និងចាត់តាំងកំលាំងការពារសន្តិសុខ សណ្តាប់ធ្នាប់ ក្នុងពិធីប្រណាំងទូកផ្កាចារសមុទ្រ លើកទី១១ នៅខេត្តកែប
ខេត្តកែប៖ លោកឧត្តមសេនីយ៍ត្រី បែន តារា ស្នងការនគរបាលខេត្តកែប រួមជាមួយលោកស្នងការរង មន្ត្រីនគរបាលខេត្ត បានអញ្ជើញចូលរួមក្នុងពិធីប្រណាំងទូកផ្កាចារសមុទ្រ។
ពិធីខាងលើរៀបចំឡើងដោយរដ្ឋបាលខេត្តកែប ដើម្បីត្រៀមអបអរសាទរបុណ្យឆ្លងឆ្នាំសកល ២០២០ និងមិទ្ទីងជ័យជម្នះ៧ មករា នៅឆ្នេរកែប ក្រុង/ខេត្តកែប នាព្រឹកថ្ងៃទី៣១ ខែធ្នូ ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ ឯកឧត្ដម កែន សត្ថា អភិបាល នៃគណៈអភិបាលខេត្តកែប ឯកឧត្ដម គឹម ទូច រដ្ឋលេខាធិការ ឯកឧត្ដម សំសារីន ប្រធានក្រុមប្រឹក្សាខេត្ត ដោយមានឯកឧត្ដម លោកជំទាវអភិបាលរងខេត្ត សមាជិកក្រុមប្រឹក្សាខេត្ត ប្រធាន អនុប្រធានមន្ទីរអង្គភាពជុំវិញខេត្ត អភិបាល អភិបាលរងក្រុង ស្រុក កងកម្លាំងប្រដាប់អាវុធទាំងបី និងបងប្អូនប្រជាពលរដ្ឋអញ្ជើញចូលរួមយ៉ាងច្រើនកុះករ។
ជាមួយគ្នានេះដែរ ស្នងការដ្ឋាននគរបាលខេត្តក៏បានរៀបចំទូកចំនួន២ទូក គឺ៖ រាជសីហ៍សសែនជ័យ និងអូរដូងមានជ័យបារមីតេជោ ដើម្បីចូលរួមប្រណាំងផងដែរ។ ទន្ទឹមនោះដែរលោកកឧត្តមសេនីយ៍ស្នងការ ក៏បានចាត់តាំងមន្ត្រីកងកម្លាំងរៀបចំសន្តិសុខ សណ្តាប់ធ្នាប់ និងបានត្រៀមគ្រប់មធ្យោបាយក្នុងការជួយសង្គ្រោះក្នុងពិធីខាងលើ មានរបៀបរៀបរយ និងសុវត្ថិភាពល្អ៕
