ឃាត់ខ្លួនជនសង្ស័យចំនួន០៣នាក់ ករណីជួញដូរ និងប្រេីប្រាស់ដោយខុសច្បាប់នូវសារធាតុញៀន
ខេត្តកំពង់ចាម ៖ នៅថ្ងៃទី១៣ ខែធ្នូ ឆ្នាំ២០១៩ បន្ទាប់ពីទទួលបានព័ត៌មានពីប្រជាពលរដ្ឋភ្លាម លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់បញ្ជាឱ្យកម្លាំងជំនាញការិយាល័យប្រឆាំងគ្រឿងញៀនខេត្ត ជាមួយកម្លាំងជំនាញស្រុកកំពង់សៀម និងស្រុកស្ទឹងត្រង់ ដឹកនាំដោយលោកវរសេនីយ៍ទោ ជីវ សេងរស់ នាយការិយាល័យប្រឆាំងគ្រឿងញៀន បើកកិច្ចប្រតិបត្តិការចុះបង្រា្កបករណីជួញដូរ និងប្រេីប្រាស់ដោយខុសច្បាប់នូវសារធាតុញៀនបាន ០១ករណី ដោយប្រេីវិធានញុះញង់ ឃាត់ខ្លួនជនសង្ស័យចំនួន០៣នាក់ នៅចំណុចតាមផ្លូវ ស្ថិតនៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម។ ជនសង្ស័យទី១-ឈ្មោះ អ៊ុក ថារិទ្ធ ហៅប្រុសដូង ភេទប្រុស សញ្ជាតិខ្មែរ អាយុ៣៨ឆ្នាំ រស់នៅភូមិបឹងកុក សង្កាត់បឹងកុក ក្រុងកំពង់ចាម ខេត្តកំពង់ចាម
២-ឈ្មោះ ដន វ៉ាន់ដេត ភេទប្រុស សញ្ជាតិខ្មែរ អាយុ២២ឆ្នាំ រស់នៅភូមិអំពិលលើ ឃុំអំពិល ស្រុកកំពង់សៀម ខេត្តកំពង់ចាម
៣-ឈ្មោះ សុឹម សុឃា ភេទប្រុស សញ្ជាតិខ្មែរ អាយុ៤៤ឆ្នាំ រស់នៅភូមិព្រែកកក់ ឃុំព្រែកបាក់ ស្រុកស្ទឹងត្រង់ ខេត្តកំពង់ចាម។
ដោយដកហូតវត្ថុតាងរួមមាន ៖
-ម្សៅក្រាមពណ៌ស សង្ស័យជាថ្នាំញៀនចំនួន២៧កញ្ចប់(ធំ០១កញ្ចប់ កណ្តាល០៧កញ្ចប់)
ម៉ូតូ០១គ្រឿង ទូរស័ព្ទដៃចំនួន០៣គ្រឿង ជញ្ជីងអេឡិចត្រូនិច០១គ្រឿង ឧបករណ៍សេព និងសម្ភារវេចខ្ចប់មួយចំនួន ។
