គ្រួសាររងគ្រោះដោយអគ្គីភ័យ ទទួលអំណោយពីអនុសាខាកាកបាទក្រហមស្រុកសាមគ្គីមានជ័យ
ខេត្តកំពង់ឆ្នាំង៖ នាព្រឹកថ្ងៃសៅរ៍ ៣រោច ខែមិគសិរ ឆ្នាំកុរ ត្រូវនឹងថ្ងៃទី១៤ ខែធ្នូ ឆ្នាំ២០១៩ អនុសាខាកាកបាទក្រហមស្រុកសាមគ្គីមានជ័យ បានចុះសួរសុខទុក្ខ និងនាំយកអំណោយអនុសាខា ជូនគ្រួសាររងគ្រោះដោយអគ្គីភ័យ កាលពីរសៀលថ្ងៃទី១១ ខែធ្នូ ឆ្នាំ២០១៩ នៅវេលាម៉ោង ១៦ និង១២នាទី។
គ្រួសាររងគ្រោះចំនួន ០១គ្រួសារ ដែលមានប្តីឈ្មោះ អឹម សាម៉ុន និងប្រពន្ធឈ្មោះ ជ័យ តុលា មានកូនចំនួន ០៤នាក់ កូនស្រីពិការភ្នែក ១នាក់ ស្ថិតនៅភូមិវត្ត ឃុំខ្នាឆ្មារ ស្រុកសាមគ្គីមានជ័យ ខេត្តកំពង់ឆ្នាំង។
អំណោយនាំយកចែកជូនក្នុងពេលនោះរួមមាន៖ អង្ករ ៣០គីឡូក្រាម, មី ១កេស, ត្រីខ១០កំប៉ុង, មុង០១, ក្រមា០១, ភួយ០១,សារ៉ុង០១ និងថវិកា ១០០,០០០រៀល ៕
