ម៉ូតូកែច្នៃដឹកជញ្ជូនបទល្មើសព្រៃឈើចំនួន២៤គ្រឿងត្រូវបានកាត់បំផ្លាញចោល
ខេត្តមណ្ឌលគិរី៖ ម៉ូតូកែច្នៃដឹកជញ្ជូនបទល្មើសព្រៃឈើចំនួន ២៤គ្រឿងត្រូវបានកាត់បំផ្លាញចោលនាព្រឹកថ្ងៃសុក្រ ១០កេីត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៦ ខែធ្នូ ឆ្នាំ២០១៩ នៅស្នាក់ការដែនជម្រកសត្វព្រៃកែវសីមា ស្ថិតក្នុងភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
ការកាត់បំផ្លាញចោលនេះគឺអនុវត្តទៅតាមបទបញ្ជាដ៏ខ្ពង់ខ្ពស់ពីឯកឧត្តម នាយឧត្តមសេនីយ៍ ប្រធានគណៈកម្មាធិការបង្ក្រាបបទល្មើសធនធានធម្មជាតិថ្នាក់ជាតិ,។
ពិធីកាត់កំទេចស្ថិតក្រោមការដឹកនាំរបស់លោក យិន សុខឡេង អភិបាលរង នៃគណៈអភិបាលស្រុកកែវសីមា ដោយមានសមាសភាពចូលរួមលោក ហឿន សុខណា ប្រធានក្រុមការងារលេខាធិការដ្ឋានគណៈបញ្ជាការឯកភាពស្រុកកែវសីមា កម្លាំងប្រដាប់អាវុធទាំងបី និងកម្លាំងផ្នែកជំនាញពាក់ព័ន្ធជុំវិញស្រុក សរុបចំនួន ១៤នាក់ ស្រី ០១នាក់ ៕
