សិក្ខាកាមចំនួន៣៣៤នាក់ប្រកាសតាំងស៊ប់ជាមន្ត្រីនគរបាលជាតិ
ខេត្តកំពង់ស្ពឺ ៖ នាព្រឹកថ្ងៃព្រហស្បតិ៍ ទី២១ ខែវិចិ្ឆកា ឆ្នាំ២០១៩ ឯកឧត្តម នាយឧត្តមសេនីយ៍សន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ អញ្ជើញជាគណៈអធិបតី ក្នុងពិធីបិទ វគ្គបណ្ដុះបណ្ដាលកម្រិតបឋមវិជ្ជាជីវៈនគរបាល-អន្តរាគមន៍ និងប្រកាសតាំងស៊ប់ សិក្ខាកាម ជាមន្ត្រីនគរបាលក្របខ័ណ្ឌនគរបាលជាតិ ក្រសួងមហាផ្ទៃ នៅសាលានគរបាលជាតិមិត្តភាពកម្ពុជា-វៀតណាម ។
អញ្ជើញអមដំណើរក្នុងពិធីប្រកាសតាំងស៊ប់ នៅសាលានគរបាលជាតិមិត្តភាពកម្ពុជា-វៀតណាម មាន ឯកឧត្តម អនុរដ្ឋលេខាធិកា ក្រសួងមហាផ្ទៃ ឯកឧត្ដម អគ្គស្នងការរង នគរបាលជាតិ ឯកឧត្ដម ប្រធាននាយកដ្ឋាន ចំណុះអគ្គស្នងការដ្ឋាននគរបាលជាតិ ឯកឧត្ដម អនុប្រធានសេនាធិការ ឯកឧត្ដម អនុប្រធាននាយកដ្ឋានបុគ្គលិក លោកឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺ និងអស់លោក លោកស្រី ជាតំណាងថ្នាក់ដឹកនាំ ប្រធាននាយកដ្ឋាន ប្រធានលេខាធិការដ្ឋាន លោកនាយក នាយករងសាលា លោកគ្រូបង្វឹក និងសិក្ខាកាម សរុប ៣៣៤នាក់ ស្រី៥ដែលត្រូវធ្វើការប្រកាសតាំងស៊ប់នាពេលនេះ ។
នាឱកាសដ៏វិសេសវិសាលនៃការប្រកាសតាំងស៊ប់ សិក្ខាកាមដែលទេីបទទួលក្របខណ្ឌនគរបាលជាតិ ក្រោយពីបានហ្វឹកហាត់រៀនសូត្រអស់រយៈពេល ៤ខែ ចាប់ផ្ដើមពីថ្ងៃទី២២ កក្កដា-២១ វិច្ឆិកា ២០១៩ បានឡេីងធ្វេីការប្ដេជ្ញាចិត្ដយ៉ាងមុឹងម៉ាត់ សច្ចាចំពោះមុខថ្នាក់ដឹក់ដឹកក្រសួងមហាផ្ទៃ ថាស៊ូគ្រប់បែបយ៉ាងបំរេីជាតិមាតុភូមិ ស្មោះត្រង់ក្នុងបុព្វហេតុ” ជាតិ សាសនា ព្រះមហាក្សត្រ “ពិសេស ប្ដេជ្ញាការពាររាជរដ្ឋាភិបាលស្របច្បាប់ រក្សាសន្ដិសុខបំរេីផលប្រយោជន៍ជូនប្រជាពលរដ្ឋដោយឥតលក្ខខ័ណ្ឌ៕