លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន ពង្រឹងវិន័យកងកម្លាំងនគរបាលជាតិ ក្នុងពេលគោរពទង់ជាតិ
ខេត្តប៉ៃលិន៖ នៅព្រឹកថ្ងៃទី២៨ ខែតុលា ឆ្នាំ២០១៩ នៅវេលាម៉ោង៧និង០០នាទី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន បានដឹកនាំកងកម្លាំងនគរបាលជាតិ ក្រោមឱវាទនៃស្នងការដ្ឋាននគរបាលខេត្តប៉ៃលិន គោរពទង់ជាតិ នៃព្រះរាជាណាចក្រកម្ពុជា ។
បន្ទាប់ពីអ្នកបញ្ជាកងជួរឡើងគោរពរាយការណ៍អំពីសភាពការណ៍ សន្តិសុខ សណ្តាប់ធ្នាប់ សុវត្ថិភាព នៅគ្រប់បណ្តាអធិការដ្ឋាននគរបាល ស្រុក ក្រុង រួចមក លោក ឧត្តមសេនីយ៍ទោ សេង សុគន្ធ ស្នងការខេត្តប៉ៃលិន បានណែនាំ ក្រើនរំលឹកដាស់តឿនដល់កងកម្លាំង ឲ្យពង្រឹងអំពីវិន័យកងកម្លាំងនគរបាលជាតិ លេខៈ០០៦បបជ និងអោយកងកម្លាំងហ្វឹកហាត់របៀបមុនពេលគោរពទងជាតិ។
ថ្លែងក្នុងពិធីគោរពទង់ជាតិនោះដែរ លោកឧត្តមសេនីយ៍ទោ ស្នងការ បានផ្តាំផ្ញើដល់កម្លាំងអោយយកចិត្តទុកដាក់បំពេញភារកិច្ច ការថែរក្សា កាពារ សន្តិសុខ សណ្តាប់ធ្នាប់ ជាពិសេសភូមិ ឃុំ មានសុវត្ថិភាពក្នុងមូលដ្ឋានខេត្តទាំងមូល។
ក្នុងឱកាសនោះដែរ លោកឧត្តមសេនីយ៍ទោ សេង សុគន្ធ ស្នងការនៃស្នងការនគរបាលខេត្តប៉ៃលិនបានថ្លែងអំណរគុណចំពោះអស់លោកលោកស្រី ដែលបានចូលរួមបំពេញបេសកកម្ម ក្នុងឱកាសបុណ្យកឋិនទានតាមវត្តអារាមនិងមូលដ្ឋានទូទាំងខេត្តប៉ៃលិនដែលទើបបានបញ្ចប់ថ្មីៗនេះ ទទួលបានលទ្ធផលល្អគាប់ប្រសើរជោគជ័យល្អបំផុតស្ដែងចេញមកពីការគោរពវិន័យ តាមតួនាទី ភារកិច្ចរបស់ខ្លួន ប្រកបដោយការទទួល ខុសត្រូវ គ្រប់បណ្តាគោលដៅសំខាន់ៗ ដែលបងប្អូនឈរជើងប្រចាំការណ៍ ថែរក្សា សន្តិសុខ សណ្តាប់ធ្នាប់សាធារណៈ រៀបចំសម្រួលចរាចរណ៍ របស់បងប្អូនប្រជាពលរដ្ឋ ដែលធ្វើដំណើរចូលរួមទស្សនា កម្សាន្តកម្មវិធីសប្បាយភាព ដោយបញ្ជៀសការកកស្ទះចរាចរណ៍បាន និងថ្លែងអំណរគុណចំពោះលោកនាយការិយាល័យ លោក លោកស្រី នាយរងការិយាល័យ នាយ នាយរងផ្នែកមន្ត្រីនគរបាលគ្រប់ផែនអង្គភាព និងក្រុង-ស្រុក ដែលបានចូលរួមខិតខំប្រឹងប្រែង បំពេញភារកិច្ចតាមកិច្ចការជំនាញ នីមួយៗចំណុះអោយផែនការងារធនធានមនុស្ស ក្នុងរយៈពេលកន្លងមក ដែលទទួលបានលទ្ធផលល្អជូនអង្គភាព ។ លោកស្នងការក៏បានក្រើនរំលឹកដល់អស់លោកនាយការិយាល័យ ដោយពង្រឹងត្រួតពិនិត្យរបៀបរបបការងារតាមផ្នែកជំនាញនីមួយៗ និងគ្រប់គ្រងមន្ត្រីក្រោមឱវាទ របស់ខ្លួនត្រួតពិនិត្យបញ្ជីវត្តមាន របស់មន្ត្រី ក្នុងការអនុវត្តកិច្ចការងារជាប្រចាំថ្ងៃ ។