កម្លាំងនគរបាលនៃអធិការដ្ឋានក្រុងកំពង់ឆ្នាំង បានធ្វេីការឃាត់ខ្លួនជនសង្ស័យ ២នាក់ ពីបទរំលោភលើសេចក្ដីទំនុកចិត្ត
ខេត្តកំពង់ឆ្នាំង ៖ កម្លាំងនគរបាលនៃអធិការដ្ឋានក្រុងកំពង់ឆ្នាំង បានធ្វេីការឃាត់ខ្លួនជនសង្ស័យ ២នាក់ ពីបទរំលោភលើសេចក្ដីទំនុកចិត្ត ៖
១- ឈ្មោះ ហែម សំណាង ភេទប្រុស អាយុ៣៣ឆ្នាំមានទីលំនៅភូមិព្រែកឬស្សី សង្កាត់ព្រែកហូរ ក្រុងតាខ្មៅ ខេត្តកណ្ដាល ។
២- ហៀម សីហា ភេទប្រុស អាយុ39ឆ្នាំ មានទីលំនៅភូមិត្រពាំងក្រពើ ឃុំទឹកហូតស្រុករលាប្អៀរ ខេត្តកំពង់ឆ្នាំង ។
ជនសង្ស័យទាំង ២នាក់បានយកកុំព្យុទ័រ (Laptop)
ចំនួន ២គ្រឿង របស់ជនរងគ្រោះឈ្មោះ ង៉ុយ ចាន់រស្មី
ភេទស្រី អាយុ២៩ឆ្នាំ នៅចំណុចផ្ទះជនរងគ្រោះភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង កាលពីថ្ងៃទី២៧ ខែកញ្ញា ឆ្នាំ២០១៩ វេលាម៉ោង ៩.០០នាទី ដោយសន្យាថានឹងយកទៅជួសជុលអោយជនរងគ្រោះប៉ុន្តែមិនឃើញយកកុំព្យូទ័រនោះមកវិញ។ លុះដល់ថ្ងៃទី៤ ខែតុលា ឆ្នាំ២០១៩ វេលាម៉ោង ១១.០០នាទី ជនសង្ស័យបានយកកុំព្យូទ័រទាំង ២គ្រឿងនេះទៅលក់អោយជាងជួសជុលកុំព្យូទ័រ ដែលមានទីតាំងនៅជិតចំណុចផ្សារឆ្នាំងស្ថិតក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង តែត្រូវជនរងគ្រោះទៅទាន់ ទើបរាយការណ៍មកសមត្ថកិច្ចអោយធ្វេីការចាប់ខ្លួនតែម្ដង។
បច្ចុប្បន្នជនសង្ស័យត្រូវបានឃាត់ខ្លួន រួមទាំងវត្ថុតាងនិងកំពុងកសាងសំណុំរឿងតាមនីតិវិធី ៕
