ឃាត់ខ្លួនជនសង្ស័យ៥នាក់ ករណីរក្សាទុក និងប្រើប្រាស់ដោយខុសច្បាប់នូវសារធាតុញៀន នៅខណ្ឌមានជ័យ
រាជធានីភ្នំពេញ៖ នាថ្ងៃអាទិត្យ១កើតខែអាស្សុជឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៩ ខែកញ្ញា ឆ្នាំ២០១៩ វេលាម៉ោង១៦ម៉៤០នាទី កម្លាំងនគរបាលប៉ុស្តិ៍បឹងទំពន់ទី២ បានសហការជាមួយកម្លាំងសាលាសង្កាត់បឹងទំពន់ទី២ ចុះត្រួតពិនិត្យរដ្ឋបាលនៅចំណុចផ្ទះជួលគ្មានលេខ ផ្លូវ២៦បេតេ ភូមិត្នោតជ្រុំ៦ សង្កាត់ បឹងទំពន់ទី២ ខណ្ឌមានជ័យ រាជធានីភ្នំពេញ ក៏បានឃាត់ខ្លួនជនសង្ស័យចំនួន០៥នាក់ ពីបទរក្សាទុក និងប្រើប្រាស់ដោយខុសច្បាប់នូវសារធាតុញៀន ដែលមានឈ្មោះ ១-ឈ្មោះ សុខ ស្រីនាង ហៅកា ភេទស្រី អាយុ ១៩ឆ្នាំ ជនជាតិខ្មែរ មុខរបរបុគ្គលិកខារ៉ាអូខេ ទីលំនៅផ្ទះជួលគ្មានលេខ ផ្លូវ២៦បេតេ ភូមិត្នោតជ្រុំ៦ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ។ ២-ឈ្មោះ រ៉ន សុខចិន្តា ភេទប្រុស អាយុ ១៨ឆ្នាំ ជនជាតិខ្មែរ មុខរបរ លក់ខ្ចៅ ទីលំនៅផ្ទះជួលគ្មានលេខ ផ្លូវបេតុង សង្កាត់បឹងត្របែក ខណ្ឌ ចំការមន រាជធានីភ្នំពេញ។ ៣-ឈ្មោះ តាន់ នី ហៅតឿ ភេទស្រី អាយុ ១៩ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះជួល ខណ្ឌច្បារអំពៅ រាជធានីភ្នំពេញ។ ៤-ឈ្មោះ ងូយ ពិសី ហៅ ស្រីម៉ៅ ភេទស្រី អាយុ ១៨ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះជួល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។ ៥-ឈ្មោះ សុខ ពេជ្រ ហៅថា ភេទប្រុស អាយុ ១៩ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។ វត្ថុតាងដកហូតបានរួមមានក្រាមពណ៍សថ្លា (សង្ស័យជាគ្រឿងញៀន) ចំនួន០៣ កញ្ចប់ថង់ (កញ្ចប់តូច០២,កញ្ចប់ធំ០១) និងម៉ូតូ០១គ្រឿងម៉ាកវ៉េវ ពណ៍ខ្មៅ លេខតួ003815 គ្មានស្លាកលេខ។ បច្ចុប្បន្នជនសង្ស័យទាំង០៥នាក់ខាងលើត្រូវបានឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី។
