លោកជំទាវ ប៊ន សុភី អភិបាលរងខេត្តកំពង់ឆ្នាំង អញ្ជើញចូលរួមកម្មវិធីដាក់បង្ហាញលេីដំណេីរការសាកល្បងគេហទំព័រ និង កម្មវិធីស្មាតហ្វូន
ខេត្តកំពង់ឆ្នាំង ៖ នៅរសៀលថ្ងៃអង្គារ ១២កេីត ខែ ភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែកញ្ញា ឆ្នាំ២០១៩ នៅភោជនីយដ្ឋានទន្លេបាសាក់២ រាជធានីភ្នំពេញ លោកជំទាវ ប៊ន សុភី អភិបាលរងខេត្តកំពង់ឆ្នាំង អញ្ជើញចូលរួមកម្មវិធីដាក់បង្ហាញលេីដំណេីរការសាកល្បងគេហទំព័រ និង កម្មវិធីស្មាតហ្វូន “NCCT PARTNER RESOURCES AND SERVICE REFERRALS “។
កម្មវិធីនេះប្រព្រឹត្តទៅក្រោមអធិបតីភាពលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ ដោយមានការសហការរវាង អគ្គលេខាធិការ នៃអគ្គលេខាធិការដ្ឋាន គ.ជ.ប.ជ និង អង្គការដៃគូ អភិវឌ្ឍនានា មាន CHAB DAI , ERIKS , USAID ,WINROCK ។
អញ្ចេីញចូលរួមក្នុងកម្មវិធីនេះមាន ឯកឧត្តម លោកជំទាវ តំណាងក្រសួង ស្ថប័នគ.រ.ប.ជ / គ.ខ ប.ជ ទាំង២៥ រាជធានី – ខេត្ត និង អង្គការជាតិ អន្តរជាតិជាដៃគូ។
គោលបំណងចំបងនៃកម្មវិធីនេះគឺចង់បង្ខិតឲ្យកាន់តែជិតគ្នារវាងសេវាកម្មបំរេីប្រជាពលរដ្ឋ និងសេវាកម្មទទួលបម្រេីដល់ ជនងាយរងគ្រោះ ឬរងគ្រោះ បានឆាប់រហ័ស និងទាន់ពេលវេលា ៕
