សមត្ថកិច្ចខេត្តសៀមរាបឃាត់ខ្លួនជនជាតិចិនពាក់ព័ន្ធអំពើលួច
សៀមរាប ៖ នៅថ្ងៃទី០៥ ខែ កញា ឆ្នាំ២០១៩ពីម៉ោង១៨:០០ ថ្ងៃទី០៤ ខែ កញា ឆ្នាំ២០១៩ ដល់ម៉ោង០៦:០០នាទី ថ្ងៃទី ០៥ ខែ កញ្ញា ឆ្នាំ២០១៩ សមត្ថកិច្ចក្រុងសៀមរាបបានឃាត់ខ្លួនបណ្តោះអាសន្នជនសង្ស័យឈ្មោះ LIWEIDONG
ភេទប្រុស អាយុ៥0ឆ្នាំ ជនជាតិចិន មុខរបរ បេីកបរឡាន មានទីលំនៅ ប្រទេសចិនពាក់ព័ន្ធនឹង បទអំពើលួច
(យកម៉ូតូនឹងរ៉ឺម៉ក) ។ តាមចម្លើយសារភាពរបស់ជនសង្ស័យបានប្រព្រឹត្តបទល្មើសជាច្រើនលើក: លេីកទី១ នៅថ្ងៃទី ០៣ ខែកញ្ញា ឆ្នាំ២០១៩ វេលាម៉ោង ១៨ :០០នាទី នៅចំនុចខាងកេីតផ្សារលេីធំថ្មី ទល់មុខហាង Brand Collection ភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប បានលួចម៉ូតូ សណ្តោងរ៉ឺម៉ក ដែលចតទុកនៅមុខហាងដោយមាន
សោម៉ូតូនៅជាមួយ។
ជនរងគ្រោះឈ្មោះ សោម សុខគា ភេទប្រុស អាយុ៣២ឆ្នាំ មុខរបររត់រ៉ឺម៉ក ស្នាក់នៅបន្ទប់ជួលក្រោយហាង Brand Collection។ លេីកទី២ នៅថ្ងៃទី៤ ខែកញ្ញា ឆ្នាំ២០១៩ វេលាម៉ោង០១ នឹង ៣០នាទីអាធ្រាត្រ នៅចំនុចក្រោយវត្តពោធិលង្កា ភូមិបឹងដូនប៉ា សង្កាត់ស្លរក្រាម ក្រុងសៀមរាប ខេត្តសៀមរាប បានលួចយករ៉ឺម៉ក ដែលចតទុកមុខផ្ទះ ហេីយយករ៉ឺម៉កដែលលួចបានកាលលេីកទី១ មកប្តូរយករ៉ឺម៉កថ្មី។
ជនរងគ្រោះឈ្មោះ ឆឹង សុគន់ ភេទប្រុស អាយុ៤៩ឆ្នាំ មុខរបររត់រ៉ឺម៉ក មានទីលំនៅភូមិ បឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប។ រហូតដល់ថ្ងៃទី៤ ខែកញ្ញា ឆ្នាំ២០១៩ វេលាម៉ោង១១:៤០នាទី ឈ្មោះ ចាប វីរៈ ភេទប្រុស អាយុ២៥ឆ្នំា មុខរបរជាងផ្លាកយីហោ ត្រូវជាកូនប្រសារ របស់ឈ្មោះ ឆឹង សុគន់ បានឃេីញបុរស ជនជាតិចិន ជិះម៉ូតូសណ្តោងរ៉ឺម៉ក ឪពុករបស់ខ្លួន ក្រោយមកខ្លួនទូរស័ព្ទប្រាប់ពុកក្មេក ហេីយជិះម៉ូតូតាមជនសង្ស័យ និងរាយការណ៍ជូនសមត្ថកិច្ច ឃាត់ខ្លួនយកមកសួរនាំ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបាន ធ្វើសកម្មភាពលួច យកម៉ូតូ និងរ៉ឺម៉ក ទាំង២លេីកពិតមែន យោងតាមវត្ថុតាងដកហូតបាន ម៉ូតូ១គ្រឿងម៉ាក ហុងដាឌ្រីម ឆ្នាំ២០០៨ ពណ៌ខ្មៅ ផ្លាកលេខសៀមរាប ១F ៩៩២៣ លេខតួនិងលេខម៉ាស៊ីន ៨៣០០៧២៧ និងរ៉ឺម៉ក ពណ៌សខៀវខ្ចី ១ ព្រមទាំង រ៉ឺម៉ក ពណ៌ខ្មៅ ១។
សមត្ថកិច្ចកំពុងរៀបចំសំណុំរឿងបញ្ជូនទៅសាលាដំបូងចាត់ការបន្តតាមច្បាប់៕
