ថ្នាក់ដឹកនាំស្នងការតាមផែនការងារជំនាញនៃស្នងការដ្ឋាននគរបាលខេត្តពោធិ៍សាត់បានចុះផ្សព្វផ្សាយសេចក្តីណែនាំលេខ០១៩ស.ណ.ន របស់ក្រសួងមហាផ្ទៃនៅតាមបណ្តាអធិការដ្ឋាននគរបាលស្រុក-ក្រុង
ខេត្តពោធិ៍សាត់៖យោងតាមសេចក្តីណែនាំថ្មីរបស់ក្រសួងមហាផ្ទៃ និងក្រោមការចង្អុលការផ្ទាល់របស់លោកឧត្តមសេនីយ៍ទោ សារុន
ចាន់ធី ស្នងការនគរបាលខេត្តពោធិ៍សាត់ ស្កីពីការរៀបចំគណៈដឹកនាំស្នងការរងតាមបណ្តាផែនការងារជំនាញចុះត្រួតពិនិត្យនិងផ្សព្វផ្សាយសេចក្តីណែនាំលេខ០១៩ស. ណ.ន របស់ក្រសួងមហាផ្ទៃនៅតាមបណ្តាអធិការដ្ឋាននគរបាលស្រុក-ក្រុង កាលពីថ្ងៃអង្គារ ១៥កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែកក្កដា ឆ្នាំ២០១៩ ។ លោកឧត្តមសេនីយ៍ត្រី ញ៉ែម ណារ័ត្ន ស្នងការរងផែនការងារភស្តុភារនិងហិរញ្ញវត្ថុតំណាងខ្ពង់ខ្ពស់លោកឧត្តមសេនីយ៍ទោស្នងការ បានឲ្យដឹងថា ការចុះផ្សព្វផ្សាយសេចក្តីណែនាំរបស់ក្រសួងមហាផ្ទៃ នាថ្ងៃនេះ និងថ្ងៃបន្តបន្ទាប់ ក្នុងគោលបំណងពង្រឹង ការលើកកំពស់លើវិន័យ សេចក្តីថ្លៃថ្នូរ កិត្តិយស គុណធម៌ វិជ្ជាជីវ: និងឆន្ទ:មោះមុតក្នុងការបំពេញការងារប្រចាំថ្ងៃ និងបម្រើប្រជាពលរដ្ឋក្នុងស្មារតីទទួលខុសត្រូវខ្ពស់នៅបណ្តាអធិការដ្នានគរបាលក្រុង-ស្រុក។
លោកឧត្តមសេនីយ៍ត្រី ញ៉ែម ណារ័ត្ន ក៏បានមានប្រសាសន៍ណែនាំបញ្ជាក់បន្ថែមអំពីខ្លឹមសារ សេចក្តីណែនាំទាំង១០ចំណុច របស់ក្រសួងមហាផ្ទៃ បានចែងច្បាស់អំពីតួនាទីភារកិច្ចរបស់កងកម្លាំងនគរបាលជាតិ ការប្រើប្រាស់កម្លាំង អាវុធ និងមធ្យោបាយ ឲ្យបានសមស្រប តាមភារកិច្ចដែលថ្នាក់លើប្រគល់ជូន។
លោកឧត្តមសេនីយ៍ស្នងការរងបានសង្កត់ធ្ងន់ថា កងកម្លាំងនគរបាល អាវុធ និងមធ្យោបាយ មិនត្រូវឲ្យមានការចេញទៅការពារតាមក្លឹបកម្សាន្តខារ៉ាអូខេ ឬការពារវិស័យឯកជន ជាដាច់ខាត៕