កិច្ចប្រជុំបូកសរុបលទ្ធផលកិច្ចប្រតិបត្តិការប្រឆាំងបទល្មើសគ្រឿងញៀនឆមាសទី១ ឆ្នាំ២០១៩ និងលើកទិសដៅឆមាសទី២ ឆ្នាំ២០១៩ របស់មន្ទីរប្រឆាំងគ្រឿងញៀននៃអគ្គស្នងការដ្ឋាននគរបាលជាតិ
រាជធានីភ្នំពេញ ៖ ថ្ងៃចន្ទ ១៤កើត ខែអាសាឍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៥ ខែកក្កដា ឆ្នាំ២០១៩ នៅសាលប្រជុំអគ្គស្នងការដ្ឋាននគរបាលជាតិ បានរៀបចំកិច្ចប្រជុំបូកសរុបលទ្ធផលកិច្ចប្រតិបត្តិការប្រឆាំងបទល្មើសគ្រឿងញៀនឆមាសទី១ ឆ្នាំ២០១៩ និងលើកទិសដៅឆមាសទី២ ឆ្នាំ២០១៩ របស់មន្ទីរប្រឆាំងគ្រឿងញៀននៃអគ្គស្នងការដ្ឋាននគរបាលជាតិ ក្រោមអធិបតីភាព ឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលផែនប្រឆាំងគ្រឿងញៀន តំណាងដ៏ខ្ពង់ខ្ពស់ ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងមានការចូលរួមពី ឯកឧត្តម លោកជំទាវ ជាថ្នាក់ដឹកនាំមន្ទីរ អង្គភាព ស្ថាប័នពាក់ព័ន្ធ និងអស់លោក លោកស្រី សមាជិក សមាជិកា មន្ត្រីក្រោមឱវាទជាច្រេីនរូប។
តាមរបាយការណ៍ក្នុងកិច្ចប្រជុំ លទ្ធផលកិច្ចប្រតិបត្តិការ ៖
ក.សមត្ថកិច្ចនគរបាលជាតិទូទាំងប្រទេស ៖ ឆមាសទី ១ ដើមឆ្នាំ ២០១៩ បង្ក្រាបបានលទ្ធផល ៖
+បង្ក្រាបសរុបរួម ៣៦៧៦ករណី ឃាត់ខ្លួន ៧៦៦៤នាក់ (ស្រី ៥៤៥នាក់) ក្នុងនោះជនបរទេស ១៦៧នាក់ (ស្រី ៣៥នាក់) រួមមានករណី ៖
-ជួញដូររក្សាទុក ២១២២ករណី ឃាត់ខ្លួន ៣៨១៤នាក់ (ស្រី ៣២៧នាក់)
-កែច្នៃ ១ករណី (ចាប់តាមដីកា ១នាក់ (ស្រី ១នាក់)
-ដាំដុះ ១៨ករណី ឃាត់ខ្លួន ៤នាក់
-ប្រើប្រាស់ ១៥៣៥ករណី ឃាត់ខ្លួន ៣៨៤៦នាក់ (ស្រី ២១៨នាក់)
ចាប់តាមដីកា ១៣២ដីកា ឃាត់ខ្លួន ១៣០នាក់ (ស្រី ៦នាក់)
+រឹបអូសគ្រឿងញៀនទម្ងន់សរុប ៖ ៣១២គីឡូក្រាម ៣៧៥,៦១ក្រាម និងកាប់បំផ្លាញដំណាំកញ្ឆាចំនួន ១៨លើក ស្មើ ៤១.៤៣៥ដេីម។
ខ.កម្លាំងជំនាញមន្ទីរប្រឆាំងគ្រឿងញៀន ៖ ឆមាសទី ១ ដើមឆ្នាំ ២០១៩ បង្ក្រាបបានលទ្ធផល ៖
+បង្ក្រាបសរុបរួម ៦៨៦ករណី ឃាត់ខ្លួន ១២៤៣នាក់ (ស្រី ១៣៣នាក់) ក្នុងនោះជនបរទេស ៥៧នាក់ (ស្រី ២១នាក់) រួមមានករណី ៖
-ជួញដូររក្សាទុក ៣៨៨ករណី ឃាត់ខ្លួន ៥៧០នាក់ (ស្រី ៧៧នាក់)
-កែច្នៃ ១ករណី (ចាប់តាមដីកា ១នាក់ (ស្រី ១នាក់)
-ប្រើប្រាស់ ២៩៧ករណី ឃាត់ខ្លួន ៦៧៣នាក់ (ស្រី ៥៦នាក់)
ចាប់តាមដីកា ៣ដីកា ឃាត់ខ្លួន ៣នាក់ (ស្រី ១នាក់)
+រឹបអូសគ្រឿងញៀនទម្ងន់សរុប ៖ ២០២គីឡូក្រាម ៦៣៤,៦៣ក្រាម។
ទន្ទឹមនឹងនោះក៏មានបញ្ហាប្រឈមមួយចំនួន ៖
១.គ្រឿងញៀនគឺជាបញ្ហាសកល និងជាកង្វល់របស់កម្ពុជា
២.ភូមិសាស្ត្រស្មុគស្មាញ តាមព្រំដែនមានច្រករបៀងច្រើន
៣.ឧក្រិដ្ឋជនគ្រឿងញៀនជាជនជាតិកម្ពុជា និងជនជាតិបរទេសមានបណ្ដាញចាត់តាំងច្បាស់លាស់ និងមានល្បិចកលខ្ពស់
៤.ការយល់ដឹងពីគ្រោះថ្នាក់នៃគ្រឿងញៀន របស់ប្រជាពលរដ្ឋនៅកម្ពុជានៅមានកម្រិត
៥.ការសហការតស៊ូករណីមិនទាន់បានល្អប្រសើរនៅឡើយ
៦.ជំនាញការហ្វឹកហ្វឺន បំប៉នជំនាញ ដកពិសោធន៍ មិនទាន់សមស្របតាមសំណូមពរនៃសភាពការណ៍។
ក្នុងនោះដែរទិសដៅបន្ត ៖
១.បន្តអនុវត្តតាមផែនការស្ដីពីយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី ៤ របស់រាជរដ្ឋាភិបាល
២.បន្តអនុវត្តតាមផែនការយុទ្ធសាស្ត្រ ៥ឆ្នាំ (២០១៩-២០២៤) យុទ្ធសាស្ត្រទី១ និងមួយផ្នែកនៃយុទ្ធសាស្ត្រទី២ បង្ការ ទប់ស្កាត់ និងប្រយុទ្ធប្រឆាំងបទល្មើសគ្រឿងញៀន រួមចំណែកការពារសណ្តាប់ធ្នាប់សាធារណៈ និងសន្តិសុខសុវត្ថិភាពសង្គម
៣.បន្តអនុវត្តផែនការរបស់អគ្គស្នងការដ្ឋាននគរបាលជាតិឆ្នាំ ២០១៩
៤.ប្ដេជ្ញាចិត្តអនុវត្តតាមអនុសាសន៍ដ៏ខ្ពង់ខ្ពស់របស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈបញ្ជាការដឹកនាំយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី ៤ ក្នុងការលុបបំបាត់ការជួញដូរ ប្រើប្រាស់គ្រឿងញៀននៅតាមក្លឹបកម្សាន្ត និងទីតាំងសប្បាយដ្ឋាន ឲ្យបានទាំងស្រុងនាចុងឆ្នាំ ២០១៩
៥.ត្រៀមអនុវត្តតាមផែនការស្ដីពីយុទ្ធនាការបង្កា រទប់ស្កាត់ និងបង្ក្រាបបទល្មើសគ្រឿងញៀនតាមបណ្ដោយព្រំដែនកម្ពុជា-វៀតណាម របស់ក្រសួងមហាផ្ទៃ
៦.ប្ដេជ្ញាចិត្តអនុវត្តតាមសេចក្តីណែនាំស្តីពីការគ្រប់គ្រងប្រើប្រាស់ក្របខ័ណ្ឌមន្ត្រីនគរបាលជាតិ ការគ្រប់គ្រងប្រើប្រាស់អាវុធជាតិផ្ទុះ និងមធ្យោបាយ របស់ក្រសួងមហាផ្ទៃ។