មុខសញ្ញាគ្រឿងញៀនបីនាក់ ត្រូវនគរបាលស្រុកព្រៃនប់បង្ក្រាបចាប់បានថ្នាំញៀន៨កញ្ចប់
ខេត្តព្រះសីហនុ៖ ព័ត៌មានប្រចាំថ្ងៃរបស់ស្នងការដ្ឋាននគរបាលខេត្តព្រះសីហនុ បានឲ្យដឹងថា៖ នៅវេលាម៉ោង២០:០០យប់ ថ្ងៃទី៣០ ខែមិថុនា ឆ្នាំ២០១៩ នគរបាលស្រុកព្រៃនប់ បានបង្ក្រាបបទល្មើសគ្រឿងញៀន មួយករណីនៅចំណោតអូរត្រាវ ស្ថិតក្នុងភូមិចំណោតរាម ឃុំបិតត្រាំង ស្រុកព្រៃនប់ ឃាត់ខ្លួនជនសង្ស័យបានចំនួន៣នាក់៖
១-ឈ្មោះសំ ស៊ីណា ភេទប្រុស អាយុ៣១ឆ្នាំ មានទីលំនៅភូមិ១ សង្កាត់៤ ក្រុងព្រះសីហនុ ខេត្តព្រះសីហនុ មុខរបរ ជាងពិដាន។
២-ឈ្មោះឈួន ភក្ដី ភេទប្រុសអាយុ៣១ឆ្នាំ មានទីលំនៅភូមិដាស់ស្គ ឃុំបឹងសាលាខាងជើង ស្រុកកំពង់ត្រាច ខេត្តកំពត មុខរបរ ជាងឡាន។
៣-ឈ្មោះកែវ ចាន់ណៃ ភេទប្រុស អាយុ៣៥ឆ្នាំ មានទីលំនៅភូមិចក់ចា ឃុំស្រែឈូក ស្រុកកែវសីម៉ា ខេត្តមណ្ឌលគិរី មុខរបរកម្មករ។
ព្រមទាំងចាប់យកបាន ម្សៅក្រាមសថ្លា សង្ស័យសារធាតុញៀន ចំនូន៨កញ្ចប់(តូច៤កញ្ចប់ និង ធំ៤កញ្ចប់) ។
