កិច្ចប្រជុំបូកសរុបសភាពការណ៍និងកិច្ចប្រតិបត្តិការរក្សាសន្តិសុខ សណ្តាប់ធ្នាប់សង្គម ប្រចាំខែឧសភា ឆ្នាំ២០១៩ របស់ស្នងការដ្ឋាននគរបាលខេត្តបាត់ដំបង
ខេត្តបាត់ដំបង៖នាព្រឹកថ្ងៃអង្គារ ១០រោច ខែពិសាខ ឆ្នាំកុរ ឯកស័ក ពស ២៥៦៣ ត្រូវនឹងថ្ងៃទី២៨ ខែឧសភា ឆ្នាំ ២០១៩
នៅសាលប្រជុំស្នងការដ្ឋាននគរបាលខេត្តបាត់ដំបង លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង បានអញ្ជើញជាគណៈអធិបតីដឹកនាំអង្គប្រជុំបូកសរុបសភាពការណ៍និងកិច្ចប្រតិបត្តិការរក្សាសន្តិសុខ សណ្តាប់ធ្នាប់សង្គម ប្រចាំខែឧសភា ឆ្នាំ២០១៩ និងទិសដៅភារកិច្ចបន្តប្រចាំខែមិថុនា ឆ្នាំ២០១៩ ដាក់ជូនតាមបណ្តាអង្គភាពដើម្បីអនុវត្ត និងប្រកាសតែងតាំងភារកិច្ច ព្រមទាំងបំពាក់ឋានន្តរស័ក្តិដល់លោកវរសេនីយ៍ត្រី សារ៉េត វិសេដ្ឋ អធិការរងនៃអធិការដ្ឋាននគរបាលស្រុកភ្នំព្រឹក ជាថ្នាក់វរសេនីយ៍ទោ និងជាអធិការ នៃអធិការដ្ឋាននគរបាលស្រុកភ្នំព្រឹក។
សមាសភាពអញ្ជើញចូលរួមមានៈ
-លោក-លោកស្រី ឧត្តមសេនីយ៍ វរសេនីយ៍ ជាស្នងការរង
-លោកអនុប្រធានផែន
-លោក នាយ នាយរងការិយាល័យទាំងអស់ និងនាយផ្នែកពាក់ព័ន្ធជំនាញ
-លោក អធិការនគរបាល ក្រុង-ស្រុក ទាំង១៤ក្រុង.ស្រុក
-លោកមេបញ្ជាការវរសេនាតូចនគរបាលការពារព្រំដែនទាំង០៤៕
