រដ្ឋបាលខេត្តក្រចេះ រៀបចំវេទិកាពិគ្រោះយោបល់ជាមួយសមាគម-អង្គការមិនមែនរដ្ឋាភិបាល និងសហគមន៍ ដែលកំពុងប្រតិបត្តិការក្នុងខេត្តក្រចេះ
នាព្រឹកថ្ងៃច័ន្ទ ៣កើត ខែពិសាខ ឆ្នាំកុរ ឯកស័ក ព.ស២៥៦២ត្រូវនឹងថ្ងៃទី០៦ ខែឧសភា ឆ្នាំ២០១៩ រដ្ឋបាលខេត្តក្រចេះបានរៀបចំវេទិកាពិគ្រោះយោបល់ជាមួយសមាគម-អង្គការមិនមែនរដ្ឋាភិបាល និងសហគមន៍ ដែលកំពុងប្រតិបត្តិការនៅក្នុងខេត្តក្រចេះ ក្រោមអធិបតីភាពឯកឧត្ដម វ៉ា ថន អភិបាលខេត្តក្រចេះ និងឯកឧត្ដម ធុន គ្រី ក្រុមប្រឹក្សាខេត្ត ដោយមានការចូលរួមពីមន្ទីរ អង្គភាព តំណាងអយ្យការ អង្គការមិនមែនរដ្ឋាភិបាល និងតំណាងសហគមន៍ នៅសាលប្រជុំរដ្ឋបាលខេត្តក្រចេះ។ វេទិកានេះដែរ មានគោលបំណងពង្រឹងកិច្ចសហប្រតិបត្តិការរវាងរដ្ឋបាលខេត្ត និងអង្គការមិនមែនរដ្ឋាភិបាល សមាគម និងសហគមន៍មូលដ្ឋានភាពជាដៃគូ ជាពិសេសធ្វើយ៉ាងណាឱ្យមានភាពស្និទ្ធស្នាល យល់ពីគ្នាទៅវិញទៅមក ដេីម្បីការរួមគ្នា ក្នុងការអភិវឌ្ឍប្រទេសជាតិ ឱ្យកាន់តែរីកចម្រើនលេីគ្រប់វិស័យ។
លោក ថាច់ មេត្រី អ្នកសម្របសម្រួលដៃគូសហគមន៍ព្រៃឈើខេត្តក្រចេះ បានលេីកឡេីងពីការអនុវត្តន៍សកម្មភាព របស់តំណាងអង្គការ សង្គមស៊ីវិលក្នុងខេត្តក្រចេះ ថាខេត្តក្រចេះ មានអង្គការ សមាគមប្រមាណជាង៤០ តែក្នុងអង្គភាព សមាគម ដែលនៅកំពុងដំណើរការមានតែ២៦ប៉ុណ្ណោះ ដោយអង្គការខ្លះ បានបម្លែងខ្លួនទៅជាស្ថាប័នមីក្រូហិរញ្ញវត្ថុ ក្រុមអាជីវកម្មរកប្រាក់ចំណេញ និងអង្គការខ្លះទៀត អស់គម្រោងគាំទ្រ បច្ចុប្បន្នអង្គការទាំង២៦ បានចងក្រងជាក្រុមមួយដែលមានឈ្មោះថា បណ្ដាញអង្គការមិនមែនរដ្ឋាភិបាលខេត្តក្រចេះ ហៅកាត់ថា KNN (Kratié NGO Network) បណ្ដាញនេះបង្កើតឡើងក្នុងគោលបំណង ជួយសម្របសម្រួលដល់ការបំពេញនាទីរបស់សមាជិកឱ្យកាន់តែមានប្រសិទ្ធភាព ជាបណ្ដុំព័ត៌មាន ការចែករំលែកចំណេះដឹង បទពិសោធន៍ និងធ្វើជាតំណាងដល់សមាជិកក្នុងកិច្ចសហការជាមួយស្ថាប័នពាក់ព័ន្ធផ្សេងៗ។ លោកបន្តទៀតថាអង្គការនីមួយៗបាននឹងកំពុងបំពេញបេសកកម្មយ៉ាងមមាញឹកស្របទៅតាមទស្សនៈវិស័យ និងគោលការណ៍របស់ខ្លួននៅក្នុងទឹកដីខេត្តក្រចេះទាំងមូល ដែលទទួលបានលទ្ធផលជាផ្លែផ្កាដូចជា ការសាងសង់សាលារៀន និងគាំទ្រដល់កុមារមេត្រីនៅទីជនបទដាច់ស្រយាល គាំទ្រដល់គ្រួសារទីទ័លក្រ ឱ្យមានលទ្ធភាពបញ្ចូនកុមារតូចៗបានទៅសាលារៀន គាំទ្រសកម្មភាពនៅតាមមណ្ឌលសុខភាព និងមន្ទីរពេទ្យបង្អែកនានាក្នុងខេត្តក្រចេះ ជួយដល់គ្រួសារក្រីក្រអាចទទួលបានសេវាព្យាបាលជំងឺដោយឥតគិតថ្លៃ សេវាពន្យារកំណើតការការពារជម្ងឺឆ្លង មេរោគអេដស៍ ជម្ងឺគ្រុនចាញ់ គាំទ្រដល់ដល់ដំណើរការអភិវឌ្ឍសហគមន៍ព្រៃឈើ សហគមន៍នេសាទ សហគមន៍ការពារធម្មជាតិ សហគមន៍កសិកម្ម ក្រុមអេកូទេសចរណ៍ធម្មជាតិ ការអភិរក្ស និងអភិវឌ្ឍតំបន់ទេសភាពទន្លេមេគង្គ ក្រុមមុខសញ្ញាអ្នកទទួលដីសម្បទានសង្គមកិច្ច ក្រុមសន្សំប្រាក់ និងក្រុមមុខរបរផ្សេងៗទៀត ដេីម្បីលេីកកម្ពស់ជីវភាពប្រជាពលរដ្ឋមូលដ្ឋាន គាំទ្រសកម្មភាពរបស់គណៈកម្មការគ្រប់គ្រងគ្រោះមហន្តរាយ ផ្ដល់កញ្ចប់មនុស្សធម៌ដល់ជនរងគ្រោះពីទឹកជំនន់ និងគ្រោះមហន្តរាយផ្សេងៗ គាំទ្រគម្រោងនានា។
ឯកឧត្ដម វ៉ា ថន អភិបាលខេត្តក្រចេះ មានប្រសាសន៍ថា អង្គវេទិកាថ្ងៃនេះ ពិតជាមានសារៈសំខាន់ណាស់ចំពោះរដ្ឋបាលខេត្ត អង្គការមិនមែនរដ្ឋាភិបាល សមាគម និងសហគមន៍មូលដ្ឋាន គឺដើម្បីពិគ្រោះយោបល់រកបញ្ហាទាំងអស់ដែលត្រូវរួមគ្នាសម្របសម្រួលដោះស្រាយរាល់បញ្ហាដែលកេីតមាននៅក្នុងខេត្តទាំងមូលឈរលេីជំហរសាមគ្គីយោគយល់គ្នាស្របតាមច្បាប់ស្ដីពីសមាគម និងអង្គការមិនមែនរដ្ឋាភិបាលដែលបានអនុម័តដាក់ឱ្យប្រើប្រាស់កាលពីថ្ងៃទី១២ ខែសីហា ឆ្នាំ២០១៨។ ក្នុងនោះដែរ រាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីដែលតែងតែយកចិត្តទុកដាក់ចំពោះសកម្មភាពរបស់អង្គការជាតិ និងអន្តរជាតិដែលធ្វើសកម្មភាពក្នុងប្រទេសកម្ពុជា និងមិនអនុញ្ញាតដាច់ខាតនូវអំពើ និងសកម្មភាពទាំងឡាយណាដែលប៉ះពាល់ដល់សន្តិសុខ សណ្តាប់ធ្នាប់សាធារណៈ ហើយអំពីទាំងនោះមិនត្រូវបានទទួលស្គាល់ជាសិទ្ធិនយោបាយ និងសេរីភាពក្នុងការបញ្ចេញមតិនោះឡេីយ។
ឯកឧត្ដមបន្ថែមទៀតថា ពេលកន្លងមកនៅក្នុងខេត្តក្រចេះ មានអង្គការមិនមែនរដ្ឋាភិបាល សមាគម និងសហគមន៍មូលដ្ឋានមួយចំនួនធំ បានអនុវត្តបានល្អប្រសើរ ធ្វើសកម្មភាពស្របទៅតាមគោលការណ៍ច្បាប់ និងលក្ខន្តិកៈរបស់ខ្លួនដែលបានតំកល់នៅក្រសួងមហាផ្ទៃ។ ក៏ប៉ុន្ដែមានអង្គការមួយចំនួនតូច ដែលទាក់ទងការអភិរក្សសត្វព្រៃ ព្រៃឈើ