រដ្ឋបាលស្រុកបរិបូណ៌បើកកិច្ចប្រជុំផ្សព្វផ្សាយច្បាប់ចរាចរណ៍ផ្លូវគោកនិងច្បាប់ស្តីពីផ្លូវថ្នល់
ខេត្តកំពង់ឆ្នាំង៖ នៅថ្ងៃសុក្រ ១៤រោច ខែចេត្រ ឆ្នាំកុរ ឯកស័កព.ស២៥៦២ ត្រូវនឹងថ្ងៃទី០៣ ខែឧសភា ឆ្នាំ២០១៩ ក្រុមការងារមន្ទីរសាធារណការ និងដឹកជញ្ជូនខេត្តកំពង់ឆ្នាំង បានសហការជាមួយ រដ្ឋបាលស្រុកបរិបូណ៌ និងការិយាល័យសាធារណការ និងដឹកជញ្ជូនស្រុក បានបើកកិច្ចប្រជុំផ្សព្វផ្សាយច្បាប់ចរាចរណ៍ផ្លូវគោក និងច្បាប់ស្តីពីផ្លូវថ្នល់ បង្កើននូវការយល់ដឹងកាន់តែច្បាស់ និងទូលំទូលាយដែលច្បាប់បានចែង និងកំណត់ ក្រោមអធិបតីភាពលោក ថាន់ សារ៉ុម អភិបាលរងស្រុក លោក មាស ឈុនលី ប្រធាការិយាល័យសុវត្ថិភាពខេត្ត និងលោក អៀង ហ៊ួរ ប្រធានការិយាល័យសាធារណការខេត្ត នៃមន្ទីរសាធារណការ និងដឹកជញ្ជូនខេត្ត ។ដោយមានការអញ្ជើញចូលរួមពីសំណាក់:រដ្ឋបាលស្រុក ការិយាល័យជុំវិញស្រក កងរាជអាវុធហត្ថស្រុក អធិការដ្ឋាននគរបាស្រុក សឹករងស្រុកលោកនាយកវិទ្យា អនុវិទ្យាល័យបឋម មេឃុំ មេភូមិ និងប៉ុស្តិ៍រដ្ឋបាលឃុំទាំង១១ នៅក្នុងស្រុកបរិបូណ៌ សរុបចំនួន ១២៥នាក់ ៕