ឃាត់ខ្លួនជនសង្ស័យចំនួនម្នាក់ពាក់ព័ន្ធករណី រក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន
ខេត្តបាត់ដំបង៖កាលពីថ្ងៃសៅរ៍ ០៨រោច ខែចេត្រ ឆ្នាំកុរ ឯកស័ក ព.ស២៥៦២ ត្រូវថ្ងៃទី២៧ ខែមេសា ឆ្នាំ២០១៩ វេលាម៉ោង ១២:០០ នាទី នៅចំណុចក្រុមទី១៣ ភូមិដូង ឃុំបឹងរាំង ស្រុកកំរៀង ខេត្តបាត់ដំបង កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកកំរៀង បានចុះប្រតិបត្តិការបង្ក្រាបបានករណីរក្សាទុកដោយខុសច្បាប់នូវសារធាតុញៀន ០១ ករណី ក្នុងបទល្មើសជាក់ស្ដែង ។ ក្នុងកិច្ចប្រតិបត្តិការនេះ សមត្ថកិច្ចបានចាប់ឃាត់ខ្លួនជនសង្ស័យបានចំនួន ០១ នាក់ មានឈ្មោះ វឿន បូរិន្ទ ហៅកឹង ភេទប្រុស អាយុ៣២ ឆ្នាំ មានទីលំនៅបណ្តោះអាសន្នក្រុមទី១៣ ភូមិដូង ឃុំបឹងរាំង ស្រុកកំរៀង ខេត្តបាត់ដំបង ។
*វត្ថុតាងចាប់យកបានរួមមានៈ
-ថ្នាំញៀនប្រភេទមេតំហ្វេតាម៉ីន(យ៉ាម៉ា WY) ចំនួន ៥០គ្រាប់ ទង្ងន់ ៤,៦៩ក្រាម ។
-ទូរស័ព្ទដៃចំនួន ០១ គ្រឿង (ចាស់) ។
ជនល្មើសនិងវត្ថុតាងបច្ចុប្បន្នបាននិងកំពុងរៀបចំសំណុំរឿងបញ្ជូនទៅតុលាការ ។
ដោយ សួន ស៊ីរ៉ា(រូបភាពការិយាល័យប្រឆាំងគ្រឿងញៀន)៕
