លោកឧត្តមសេនីយ៍ត្រី សៅ សាម៉ុន ស្នងការរងនគរបាលខេត្តបាត់ដំបងអញ្ជើញចូលរួមអបអរសាទរពិធីបុណ្យឆ្លង សម្ពោធស្ពានបេតុងសាមគ្គី ភូមិគារ១និងគារ២ ឃុំគារ ស្រុកមោងឫស្សី ខេត្តបាត់ដំបង
ខេត្តបាត់ដំបង៖ព្រឹកថ្ងៃ៩ រោច ខែចេត្រ ឆ្នាំកុរ ឯកស័ក ព.ស ២៥៦២ ត្រូវថ្ងៃទី២៨ ខែមេសា ឆ្នាំ២០១៩ លោកឧត្តមសេនីយ៍ត្រី សៅ សាម៉ុន ស្នងការរងនៃស្នងការដ្ឋាននគរបាល ខេត្តបាត់ដំបង តំណាងដ៍ខ្ពង់ខ្ពស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងជាអនុប្រធានក្រុមការងារថ្នាក់ជាតិចុះជួយស្រុកមោងឫស្សី ខេត្តបាត់ដំបង ព្រមទាំងសហការី បានអញ្ជើញចូលរួមអបអរសាទរ ក្នុងពិធីបុណ្យឆ្លង សម្ពោធស្ពានបេតុងសាមគ្គី ភូមិគារ១និងគារ២ ស្ថិតនៅភូមិគារ១ ឃុំគារ ស្រុកមោងឫស្សី ខេត្តបាត់ដំបង ក្រោមអធិបតីភាព ឯកឧត្តម អង្គវង្ស វឌ្ឍានា ប្រធានក្រុមការងារថ្នាក់ជាតិ ចុះជួយស្រុកមោងឫស្សី ខេត្តបាត់ដំបង។
ក្នុងពិធីនោះដែរ ឯកឧត្តម អង្គវង្ស វឌ្ឍានា ក៏បានចែកប័ណ្ណសសើរប្រគេនជូនព្រះសង្ឃ និងសប្បុរសជន ចំនួន ៤២ប័ណ្ណ និងជូនអំណោយដល់យាយជីតាជី ចំនួន ៣០នាក់ ក្នុង១នាក់ទទួលបានក្រណាត់ស ១ដុំ និងថវិកា ១០.០០០រៀល និងសិស្សានុសិស្សចំនួន៩៧នាក់ ក្នុង១នាក់ទទួលបាន ថវិកាចំនួន៥.០០០រៀល៕
ដោយ សួនស៊ីរ៉ា (រូបភាពការិយាល័យផ្សព្វផ្សាយអប់រំ)