ផ្ទះប្រជាពលរដ្ឋ មួយកន្លែងដែលស្ថិតនៅ ស្រុកសូទ្រនិគមន៍ ភ្លើងឆេះ
ខេត្តសៀមរាប៖ ថ្ងៃសុក្រ ៧រោច ខែចេត្រ ឆ្នាំ កុរ ឯកស័ក ព.ស២៥៦២ ត្រូវនឹងថ្ងៃទី ២៦ ខែ មេសា ឆ្នាំ ២០១៩ វេលាម៉ោង ០២និង១៥ នាទី មានករណីភ្លេីងឆេះផ្ទះប្រជាពលរដ្ឋ មួយកន្លែងដែលស្ថិតនៅ នៅភូមិត្រពាំងប្រិយ៍ ឃុំពពេល ស្រុកសូទ្រនិគម ខេត្តសៀមរាប។
លោកឧត្តមសេនីយ៍ត្រី ភឹង សម្បត្តិ ស្នងការរង ទទួលការិយាល័យនគរបាលបង្ការ ពន្លត់អគ្គិភ័យ និងសង្រ្គោះ បានមានប្រសាសន៍ថា ៖ ករណីភ្លេីងឆេះផ្ទះប្រជាពលរដ្ឋ ឈ្មោះ វ៉ាន់ ហ៊ំ ភេទស្រី អាយុ ៣៧ ឆ្នាំ (ម្ចាស់ផ្ទះទៅធ្វេីការនៅថៃ) ធ្វេីអំពីឈេីប្រក់ស័ង្កសី ទំហំ 6មx9ម បណ្តាលអោយឆេះទាំងស្រុង និងទ្រព្យសម្បត្តិមួយចំនួនទៀត ។
តាមការសនិដ្ឋានរបស់សមត្តកិច្ចបានអោយដឹងថាករណីនេះគឺបណ្តាលមកពីឆ្លងចរន្តអគ្គីសនី ផ្ទាំងសូឡាទើបបណ្តាលអោយមានអគ្គីភ័យកើតមានឡើង តែមិនបណ្តាលអោយមានគ្រោះថ្នាក់ដល់មនុស្សឡេីយក្នុងនោះដែរសមត្ថកិច្ចក៏បានជួយអន្តរាគមន៍ពន្លត់មិនអោយរាលដាលដល់កន្លែងផ្សេង ដោយប្រេីប្រាស់រថយន្តពន្លត់របស់អធិការដ្ឋាននគរបាលស្រុកសូទ្រនិគម 01គ្រឿង និងប្រេីប្រាស់ទឹកអស់ចំនួន 02រថយន្តផងដែរ។