ស្នងការនគរបាលខេត្តកំពង់ឆ្នាំងចុះសួរសុខទុក្ខលោកស្រីអនុសេនីយ៍ឯក ថោង សុភា នាយរងផ្នែក នៃអធិការដ្ឋានស្រុករលាប្អៀរដែលបានជួបគ្រោះថ្នាក់ចរាចរណ៍កាលពីថ្ងៃទី០៤ ខែកុម្ភះ ឆ្នាំ២០១៩
ខេត្តកំពង់ឆ្នាំង៖បន្ទាប់ពីបានចុះសួរសុខទុក្ខ និងសំណេះសំណាលការងារជាមួយមន្ត្រីនគរបាលស្រុករលាប្អៀរ រួចមកលោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង ក៏បានដឹកនាំប្រតិភូអមដំណើរ មានលោក-លោកស្រីស្នងការរង នាយ-នាយរង ការិយាល័យ ចុះសួរសុខទុក្ខលោកស្រីអនុសេនីយ៍ឯក ថោង សុភា នាយរងផ្នែក នៃអធិការដ្ឋានស្រុករលាប្អៀរ ដល់គេហដ្ឋាន ស្ថិតនៅភូមិជ្រៃបាក់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំងដែលបានជួបគ្រោះថ្នាក់ចរាចរណ៍កាលពីថ្ងៃទី០៤ ខែកុម្ភះ ឆ្នាំ២០១៩កន្លងទៅនេះ ហេីយលោកបានឧបត្ថម្ភថវិកាចំនួន ៧០ម៉ឺនរៀល ទឹកដោះគោឆៅ ០២យួរ ទឹកសុទ្ធ ២កេស ទឹកផ្លែឈើ ១កេស និងផ្លែឈើស្រស់មួយចំនួនទៀត។ លោកក៏បានផ្តាំផ្ញេីណែនាំដល់លេាកស្រីយកចិត្តទុកដាក់ថែទាំ និងព្យាបាលជំងឺអោយបានឆាប់ជាសះស្បេីយ ៕