ប្រតិភូស្ថានទូតជប៉ុនមកទស្សនកិច្ចចូលជួបសំណេះសំណាលជាមួយថ្នាក់ដឹកនាំនៃគណៈស្នងការនគរបាលខេត្តព្រះសីហនុ
ខេត្តព្រះសីហនុ៖ រសៀលថ្ងៃទី២៦ខែមីនា ឆ្នាំ២០១៩ថ្មីៗ នេះ លោកឧត្តមសេនីយ៍ត្រី ជិន វិទ្យា ស្នងការស្តីទី នៃស្នងការដ្ឋាននគរបាលខេត្តព្រះសីហនុ បានទទួលជួបគណៈប្រតិភូស្ថានទូតជប៉ុន ប្រចាំប្រទេសកម្ពុជា ដឹកនាំដោយលោក ហ៊ីរ៉ូណូរិ ស៊ូហ៊្សូគី ទីប្រឹក្សាស្ថានទូត និង សហការី បានមកបំពេញទស្សនកិច្ច សិក្សាស្វែងយល់អំពីសភាពការណ៍សន្តិសុខសណ្តាប់ធ្នាប់សាធារណៈ ក្នុងខេត្តព្រះសីហនុ ដើម្បីបន្តពង្រឹងកិច្ចសហប្រតិបត្តិការ រវាងប្រទេសទាំងពីរ ប្រជាជនទាំងពីរ កម្ពុជា ជប៉ុន ឲ្យបានកាន់តែល្អប្រសើរ។
ក្នុងឱកាសនោះដែរ លោកឧត្តមសេនីយ៍ត្រីកុល ផាលី ស្នងការរងទទួលផែនព្រហ្មទណ្ឌ បានរាយការណ៍ជូនគណ:ប្រតិភូ អំពីស្ថានភាពទូទៅ ក្នុងខេត្តព្រះសីហនុ សភាពការណ៍បទល្មើសព្រហ្មទណ្ឌ សន្តិសុខសណ្តាប់ធ្នាប់សង្គម ក្នុងបណ្តាឆ្នាំ២០១៨ កន្លងមកជូនប្រតិភូជ្រាបផងដែរ ។